Tajarib - بودكاست تجارب (Jameel Amir and Omar Azeez)

بعد تخرجه من كلية الهندسة، عمل علي بالقطاع المصرفي وشغل عدة مناصب بمؤسسات مختلفة بهذا القطاع، هل شي زوده بالخبرة بالقطاع المصرفي العراقي وأهله انه يكون المدير التنفيذي لرابطة المصارف العراقية. نحجي بهاي الحلقة عن القطاع المصرفي بالعراق وعمل رابطة المصارف ودورها، ونناقش كذلك نظام القروض الحالي للشركات الناشئة والأفراد وفرص وتحديات القطاع المصرفي بالعراق وشلون ممكن الفرد يختار المصرف المناسب إله، وكذلك دور الحكومة والمؤسسات بزيادة الوعي المصرفي.

.

علي الحلّي حالياً منصب مدير التسويق والتواصل بشركة مسواكَ للتجارة الألكترونية، قبلها جان المسؤول عن مشاريع شركة زين العراق لتشجيع رايدة الأعمال بالعراق. علي يسولفلنا بهذه الحلقة عن تجاربه بالقطاع الخاص العراقي، مقارنة العمل وية الشركات الكبرى بالشركات الناشئة، ومستقبل التجارة الإلكترونية بالعراق

ارسلولنا اقتراحاتكم للضيوف عن طريق الايميل

hello@tajarib.sho

0:00 - تشويقية 1:12 - مقدمة 3:00 - بداية فكاهية 4:40 - شلون السفر عند العراقيين برمضان؟ 11:00 - شنو تعلمت من الشغل بوكالة السفر؟ 14:30 - شلون تشتغل وكالة السفر التقليدية؟ 19:00 - شلون تربح وكالات السفر؟ 26:00 - شنو الغلط بعمل بوكالات السفر؟ 31:00 - شلون تكسب ثقة زبون تعبان بفلوسه؟ 36:00 - شلون اطلقت التطبيق بسرعة؟ 41:00 - خدمة عملاء التطبيق مقارنة بالوكالات 52:00 - قضية سندباد مع الخطوط الجوية العراقية 1:07:00 - توفير الدولار على السعر الرسمي للمسافرين 1:11:00 - هل سندباد تبيع على السعر الرسمي اليوم؟ 1:17:00 - أثر عقوبات فلاي بغداد 1:22:00 - مجالات التوسع (فيزا، جولات، فنادق) 1:27:00 - الرأي بعقوبات فلاي بغداد 1:31:00 - شنو رأيك بمطارات العراق؟ 1:36:00 - ختامية

تكدرون تشوفون كل حلقاتنا على منصتكم المفضلة عن طريق الرابط:

linktr.ee/tajaribpodcast

السينما العراقية هي الشركة الرائدة بمجال السينما بالعراق، من صالتين عرض بنادي الصيد الى سينمات بمعظم أنحاء بغداد وغيرها من المحافظات، زيد فاضل حيسولفلنا عن تأسيس السينما العراقية والمخاطرة الي أخذها ببداياتها، وهمين تأثير السينما على المجتمع وأهميتها بحياتنا.

ارسلولنا اقتراحاتكم للضيوف عن طريق الايميل:

hello@tajarib.show

ايدوبا توفّر نظام رقمي متكامل لإدارة المدارس الأهلية والحكومية، عن طريق تطبيق يربط إدارة المدرسة والمدرسين والأهالي والطلاب. هذا يصير عن طريق عدة خواص، مثل ارسال الأهالي درجات وسجل حضور الطلاب، ارسال أو بث المدرسين محاضرات الكترونية للطلاب، أرشفة الدروس والمحتوى التعليمي، بالاضافة الى خواص مثل تتبع الباصات، الدفع الالكتروني، وغيرها.راح نسولف بهالحلقة عن تأسيس الشركة والعمل عليها عن بعد، اختيار الشركاء المؤسسين الصح (أو الغلط)، التميّز بسوق مكتظ، اقناع وجذب المدارس، كورونا وأثرها، العمل وية الحكومة والحصول على ترخيص، وتوسع إدوبا الى العمل المباشر وية الزبون (بدل الاعتماد على ادارات المدارس) بالإضافة الى نماذج عمل ثانية، والاستحواذ المُترَقب للشركة.

مجال العقار من أهم المجالات إن لم يكن الأهم لكثير من رجال الأعمال والمستثمرين العراقيين. لاحظنا تغييرات كبيرة بيه بالسنوات الأخيرة، سواء على صعيد ارتفاع الاسعار، ظهور ونشأة اسواق جديدة، أو البناء والتبنّي المتزايد للمجمعات السكنية والبناء العمودي بصورة عامة.أكيد، يرافق هذا التطور تغيير بتصرفات المستثمرين، من حيث اهداف استثمارهم، وطريقة بناءهم، وتعاملهم مع الزبائن من مشتريين ومؤجرين.راح نتطرق لكل هذا وية نواف، واللي يتمتع بخبرة عقد كامل تقريبا بالمجال، ويُعد من المؤثرين الأهم بيه على مواقع التواصل اليوم. راح نسولف ايضاً عن المشهد العمراني والانشائي لبغداد كمدينة، دور المجمعات السكنية بحل ازمات السير والبنى التحتية، ودور المدن الجديدة اللي دتطلقها الحكومة (مثل علي الوردي، الجواهري وغيرها) بتطوير هالمجال وأثرها عليه.وأخيراً، راح نحجي عن @foxmagazine.iq ، المنصة الإعلامية الاقتصادية والعقارية اللي يعمل نواف على تأسيسها اليوم، ومؤسسة المعمار لدعم السياسات والتشريعات بمجال العقار.

سيف إشتغل بقطاع التكنولوجيا الماليّة وبعدها انتقل لتأسيس Digital Zone، راح يحجيلنا عن إدارة شركة ناشئة، إختيار فريق العمل، واخيراً حاضر ومستقبل وسائل الدفع الإلكتروني بالعراق.

.

بدأ كرار مسيرته المهنية بعد التخرج بوظيفة حكومية، لكن تركها بعد فترة بسيطة وقرر الانضمام إلى شركة زين العراق والبدء كمهندس موقع ضمن القسم التقني، وصولاً بعد سلسلة من الترقيات إلى منصبه الأخير كمدير قسم المشاريع المؤسساتية داخل الشركة. تكونت الفكرة لـ (ليمونة) عند كرار ومجموعة من موظفي زين العراق، وبعد ما تواصلوا وية مستثمري الشركة وطرحوا الفكرة عليهم، قرروا الانطلاق بالنصف الأول من ٢٠٢٢. راح نحجي وية ضيفنا عن تجربته الشخصية بالعمل، بداية المشروع، حصولهم على الاستثمار، التحديات اللي واجهوها، النمو اللي مروا بيه (واللي وصلهم اليوم إلى كونهم أكبر تطبيق توصيل أغذية عراقي)، وتفاصيل الإستثمار اللي مقبلين عليه وديعملون بإتجاهه، بالإضافة إلى الفرص اللي يشوفها الضيف لحد الان موجودة بقطاع التوصيل، والمستقبل اللي للشركة والقطاع بشكل عام.

هذه الحلقة هي أول مقابلة نجريها أمام جمهور وضمن جلسة حوارية من جلسات (أسبوع ريادة الأعمال العالمي) اللي يُنظّم بالتعاون مع مؤسسة المحطة لريادة الأعمال، واللي ميّزها هو استقبالنا للاسئلة من حضورنا والتفاعل المباشر بين الضيف والجمهور.

حلقتنا هذه بالشراكة وية كي (@qicard)، أحد أهم الشركات بمجال الدفع الإلكتروني، تصدّر بطاقات مثل الـ (كي كارد) والـ (ماستر كارد)، وتوفّر مختلف الخدمات المالية والتكنولوجية. حلقتنا هي أيضاً بالشراكة وية بزنس أفنيو (@businessavenue.iq)، شركة رائدة بتوفير بتوفير مساحات العمل والمكاتب وغرف الإجتماعات الهادئة والبيئة المناسبة لروّاد الأعمال والشركات والأفراد، من خلال فروعهم ببغداد، الأنبار، والبصرة. حلقتنا هي برعاية جِنّي (@gini.iq)، ديجيتال زون (@digitalzone.app)، يونايتد سكشنز (@unitedsections)، ومسواگ (@miswag_iraq).

تكدرون تشوفون كل حلقاتنا على منصتكم المفضلة عن طريق الرابط: linktr.ee/tajaribpodcast ارسلولنا اقتراحاتكم للضيوف عن طريق الايميل: hello@tajarib.show

علي الجميلي، مهندس خدمة ومختص بمعدات شركة

بالعراق Hitachi

ما هي مؤهلات المهندس الناجح؟" هي أحد الاسئلة الي راح يجاوبنا عليها علي"

من البصرة الى تنزانيا، علي إكتسب خبرته الميدانية من إنشاء وصيانة محطات القدرة الكهربائية. علي راح يسولفلنا قصص إستثنائية من إدارة المشاريع بقطاع الطاقة، وشلون كدر يميز شغله بقطاع شرس المنافسة مثل القطاع الهندسي.

وغيرها من التجارب بالحلقة #8 من تجارب

.

ضيف حلقتنا هو علي إسماعيل، مطور برمجي.

بعد عدة سنين من شغله بمجال الدفع الإلكتروني والتطوير البرمجي كدر علي يكوّن خبرة مميزة بمجال التكنولوجيا المالية. أسس شركته الخاصة للحلول البرمجية وبعدها أنشأ مشروعه الخاص بمجال الدفع الإلكتروني.

نحجي بهاي الحلقة عن الدفع الإلكتروني بشكل معمق، وعن المشاكل والحلول الممكن تنفيذها من الأفراد والمؤسسات بالقطاع الخاص، أو الحكومة، بالإضافة الى نظرته المستقبلية للمجال بالعراق.

و غيرها من تجارب علي بالحلقة #13 من تجارب

www.tajarib.show

ضيف حلقتنا هو السيد عزيز الخضيري، العضو المؤسس لمجموعة الخضيري التجارية، واللي تتخصص بمجالات الصناعة، والسلع الاستهلاكية، والنفط والغاز.نادرا ما نلتقي بضيوف يمتد عملهم بالعراق الى قرن او اكثر، لذلك، نبدأ نقاشنا وية الضيف بمقارنة للوضع الاقتصادي لعموم الناس ولشركات القطاع الخاص بكل من الحقب اللي كدر ضيفنا يعاصرها، بدءأ من النظام الملكي للعراق، مرورا بالجمهوري والاشتراكي، ووصولا الى يومنا الحالي.نناقش بعدها وية ضيفنا رحلة تأسيسه للمجموعة، التحديات اللي مر بيها بالطريق، من مواجهة المنافسة العالمية بعدة قطاعات والتغلب عليها، الى التعامل مع المشرعين ومفاصل الدولة، وبالتاكيد العقبات المرتبطة بكل الانعطافات اللي مر بيها العراق عبر تاريخه، وشلون تمكن من تخطيها.بعدها، نحجي عن واحد من اكثر المواضيع الشائكة بادارة المشاريع العائلية الكبرى، وهي أولا ادارة الورث وطريقة تنظيمه بطريقة واضحة وسلسة لكل اعضاء العائلة، وثانيا ما يعرف بـ (ادارة التعاقب)، او بالاحرى تكوين البنية للجيل الجديد من اداريي الشركة، سواء كانوا من العائلة او خارجها.أخيراً، نسمع من ضيفنا اراءه عن مختلف الملفات الاقتصادية بالعراق اليوم، من مشاريع الدولة مثل طريق التنمية وخطط تطوير الموانئ، الى حال القطاع النفطي وتصوراته حول اسعار هالسلعة وتاثيرها بالسنين الجاية، وصولا الى القطاع الصناعي بالبلد وكيفية تنشيطه.

تكدرون تشوفون كل حلقاتنا على منصتكم المفضلة عن طريق الرابط: linktr.ee/tajaribpodcast ارسلولنا اقتراحاتكم للضيوف عن طريق الايميل: hello@tajarib.show

بعد حصوله على ماجستير بتكنولوجيا المعلومات والانخراط بالاكاديميا، قرر عمار أمين (الشريك المؤسس والرئيس التنفيذي لـ @miswag_iraq، تطبيق التجارة الالكتروني) مع زوجته وشريكه انه يأسسون مشروعهم الخاص، مر خلاله بهواية من تجارب النجاح والفشل تُوّجت السنة الماضية بحصول مسواگ على استثمار ١.٦ مليون دولار بجولة تمويلهم الاخيرة.راح نحجي وية عمار عن تأسيسه للشركة، تنميتها، مواكبة التغييرات عن طريق تغيير المنتج، اللوجستيات، او حتى طريقة إدارة الموارد البشرية وثقافة الشركة. راح نحجي همين عن تجربة عمار بالحصول على الاستثمار السابق وسعيه الحالي للحصول على التمويل الجاي ببيئة استثمارية صعبة محلياً وعالميا، ادارة منصة وسيطة وايجاد التوازن بين العرض والطلب، التسويق الصحيح للمنتج، واراء عمار كمؤسس مشروع تكنولوجي عن طبيعة العمل بالعراق ببيئته الاقتصادية والسياسية والتعامل معها.هذا واكثر بحلقتنا الـ ١٥ وية عمار أمين.تابعوا الحلقة يوم الاثنين، الساعة ٩ مساءً على منصتكم المفضلة من خلال الرابط بالبايو.حلقتنا هي بدعم من برنامج زين للشباب (@zainiraq)، وبرعاية من شركة المرشد الاستشارية (@morshed.bdc)، وسجّلت بمؤسسة المحطة لريادة الأعمال (@thestationiq).نشكر كل منهم على دعمهم لعملنا بالبودكاست :)#ZYouthGotThis #ZYouthTakeOver

عدى كونه المؤسس والرئيس التنفيذي لشركة وتطبيق عالسريع، بسام العطيّة اشتغل بقطاع الانشاءات وكدر يثبت نفسه بيه، حصّل ماجستير إدارة أعمال من London Business School قبل أن ينتقل لقطاع التكنولوجيا ويأسس شركته الخاصة. راح يسولفلنا عن تأسيس عالسريع، نموّ الشركة والإستثمار الي حصلوه، ومستقبل توصيل الاكل بالعراق. شكرا لمنصة براند خانة ومؤسسة المحطة على دعمهم للبودكاست.

.ضيف حلقتنا هو عبدالله حسام، مهندس برمجي بشركة @tiktok.بدأ عبدالله اهتمامه بالبرمجة كهواية، وكدر انه يطورها الى مهنة من خلال تعلمه بالانترنت، ومشاركته بالمعارض والمسابقات العالمية، والعمل مع مختلف الشركات داخل وخارج العراق اثناء دراسته كطالب بالجامعة التكنولوجية ببغداد. بعد تخرجه بسنة، قبل عبدالله عرض عمل بمكتب شركة تيكتوك بمدينة لندن كمهندس برمجي امني (security engineer)، واللي خلاه اليوم موظف بإحدى اكثر الشركات التكنولوجية صعوبةً من ناحية اختيار موظفيهم.راح نحجي وية عبدالله بهالحلقة عن تجربته بتعلم البرمجة، شلون طوّر من مهاراته بيها، وسوّة سيرته الذاتيه ومر بالمقابلات التقنية، وشلون حصّل كذا فرصة عمل خارج العراق قبل تخرجه. راح نحجي همين عن المهارات اللي يشوفها مهمة للمبرمجين اليوم، ورأيه بمدى فائدة الدراسة الجامعية بالعراق لتطوير هذه المهارات. راح نحجي همين عن تجربة عمله بتيكتوك وفرقها عن تجاربه السابقة بالعمل داخل العراق. وأخيراً، راح نسولف عن تيكتوك كمنتج ورأيه بيه والتأثير اللي يتركه على المجتمع، سواء سلبي ام ايجابي.

.

Today, we hear about world-renowned universities offering courses and complete programs in entrepreneurship and innovation. Many students are drawn to these fields, choosing them as their academic and later professional focus. However, a central question remains in the minds of many: Is it possible to teach entrepreneurship? If so, how? What are the challenges involved? Have we witnessed successful experiences, and what is their success rate? We aim to answer all these questions in our upcoming episode with Dr. Hemin Latif, Ph.D., Director of the Entrepreneurship and Innovation Center at the American University of Iraq, Sulaimani, which is the first center dedicated to entrepreneurship at an Iraqi university. Dr. Hemin brings over 18 years of academic experience. After earning his PhD from Nottingham Trent University in the UK, he began lecturing there before returning to Iraq to teach at AUIS as part of its founding team. He has also headed the Engineering and Information Technology departments at different times. In addition to his current role as center director, Dr. Hemin applies the academic principles and teachings he provides to students to his own company, Agora Vision ئاگۆرا ڤیژن. The company's mission is to promote Kurdish literature by offering the first comprehensive platform of its kind for Kurdish audiobooks, which he is actively growing to achieve commercial success. View all of our episodes here: linktr.ee/tajaribpodcast Send us your guest suggestions here: hello@tajarib.show

أحمد معن الطبقچلي هو باحث اقتصادي وخبير أسواق مالية. يعمل كرئيس الاستراتيجية لدى محفظة AFC Iraq الاستثمارية، ويحمل خبرة اكثر من ٢٥ سنة بأسواق بريطانيا، أمريكا، والشرق الأوسط. حصل على الماجستير من جامعة أوكسفورد عام ١٩٩١، وهو زميل زائر في كلية لندن للاقتصاد.اكثر حجينا بهالحلقة هو عن الاقتصاد العراقي - بنبذة عنه قبل وبعد ٢٠٠٣، وتوضيح من الضيف انه ليش يشوف اليوم فرصة اقتصادية تضاهي اللي صارت بدول نامية بوقتها مثل الصين. بنفس الوقت، راح نحجي عن التحديات اللي ممكن تعيقنا عن هالشي، مثل حالة عدم الاستقرار الأمني المستمرة، أو الانفاق الزائد على الدرجات الوظيفية، أو تذبذب اسعار النفط، أو الاقراض الداخلي، أو التضخم، وغيرها.بعد هذا، راح نحجي عن الحلول المقترحة والحلول الواقعية لهذه المشاكل، منها رأيه بقضية الدولار والتطوّرات اللي دتصير بخصوصها مؤخراً، والصعود بقيمة النفط ومدى استدامة هذا الشي على المدى البعيد. وأخيراً، السؤال الاكبر عن اتجاه الاقتصاد اليوم، وشلون المفروض يفكرون بيه الشباب، رواد الأعمال، واصحاب رؤوس الأموال من يصنعون قراراتهم.رابط شركة iQ: https://www.facebook.com/weare.iq/رابط بزنس اڤنيو: https://www.facebook.com/businessavenue.org/تكدرون تشوفون كل حلقاتنا على منصتكم المفضلة عن طريق الرابط: linktr.ee/tajaribpodcast ارسلولنا اقتراحاتكم للضيوف عن طريق الايميل: hello@tajarib.show

مروان انتقل من التعليم العالي للقطاع الخاص، جرب يأسس مشروعه، وجان من المؤسسين لكريم العراق، واليوم هو جزء من مسواگ. راح يحجيلنا عن تجاربه بهذه الشركات، وشغفه بتغيير بيئة العمل العراقية، وشغلات هواية بيناتها.

ضيفة حلقتنا الجاية هي باسمة عبدالرحمن، مؤسسة KSK لحلول الطاقة النظيفة.بعد إكمالها الماجستير بالولايات المتحدة الأمريكية باختصاص الهندسة المدنية، رجعت باسمة للعراق وعملت مع مؤسسات دولية مختلفة قبل لتبدي شركتها الخاصة لتقديم الخدمات الاستشارية لحلول الطاقة النظيفة، يلي بعدين تطورت الى خدمات أخرى لتقديم حلول ومنتجات طاقة صديقة للبيئة.الطاقة الشمسية من القطاعات الناشئة بالعراق، وباسمة من أفضل الأشخاص يلي ممكن يسولفون عنه بسبب تجربتها المميزة بتأسيسKESK. راح نحجي بهاي الحلقة عن بداية باسمة بهذا القطاع بعد ما اخذت قرار ترك الوظيفة الحكومية، بالإضافة الى التحديات يلي واجهتها ببداية مشروعها سواء بتوفر الموارد البشرية او بحصولها على عملاء. راح نسولف هم عن أهمية الطاقة النظيفة وشلون ممكن الأفراد والمؤسسات يستفادون من عدها بالعراق وتكاليفها مقارنة بالخيارات الأخرى. بالأخير راح نحجي هم عن رؤيتها الخاصة للشركة والمجالات الثانية يلي دتشتغل بيها مثل التكنلوجيا الخضراء.

تكدرون تشوفون كل حلقاتنا على منصتكم المفضلة عن طريق الرابط: linktr.ee/tajaribpodcast ارسلولنا اقتراحاتكم للضيوف عن طريق الايميل: hello@tajarib.show

.

روز هو شريك في محفظة Euphrates الإستثمارية، والي هي محفظة تستثمر بالشركات الناشئة العراقية، مثل تطبيق عالسريع لتوصيل الاكل، وتطبيق مسواگ للتجارة الالكترونية. حيسولفلنا روز عن تجاربه بالاستثمار بهذه الشركات، والقطاعات النامية والواعدة بالمستقبل داخل التكنولوجيا، ونصائحه لمؤسسين الشركات العراقيين، بالاضافة الى تجربته بإنشاء شركته (زيتون) الخاصة بقطاع التكنولوجيا المالية.

تكدرون تشوفون كل حلقاتنا على منصتكم المفضلة عن طريق الرابط: linktr.ee/tajaribpodcast

ارسلولنا اقتراحاتكم للضيوف عن طريق الايميل: hello@tajarib.show

خلال ال٣٠ سنة الماضية عمل شوان بالقطاع المالي والإستثمار، أدار خلالها محافظ استثمارية أمريكية مختلفة بمنطقة الشرق الأوسط وشمال أفريقيا، قبل ميرجع للعراق ويرأس شركة الربيع للوساطة المالية، وانضم كذلك لشبكة من المستثمرين العراقيين للإستثمار بالمشاريع العراقية الناشئة.راح نسولف بهاي الحلقة عن بداية شوان بالقطاع المالي والاستثمار، وتجاربه بإدارة المحافظ الإستثمارية بفرانك تمبلتون، وحدة من المحافظ الإستثمارية الرائدة، وعمله مع جورج سورس أحد أهم المستثمرين، قبل ميرجع للعراق ويترأس شركة الربيع ويكون المسؤول عن إدارة إدراج إثنين من أكبر الشركات بالعراق بسوق الأوراق المالية، ويلي ساهم بدخول الإستثمار الأجنبي للعراق بشكل أكبر، وراح نحجي هم عن سبب هذا الإهتمام الأجنبي بالسوق العراقي وأهمية وجوده للاقتصاد المحلي وشلون يشوف شوان مستقبل الإقتصاد العراقي.

ضيف حلقتنا الجاية هو محمّد الصوفي، المهندس المعماري، المؤلف لكتاب (بيت، شارع، مدينة: مقالات حول العمارة والعمران)، والحاصل على شهادة ماجستير العلوم في العمارة من جامعة البوليتكنيك في ميلان. راح نبدي حديثنا وية محمد عن تجربته بالدراسة بإيطاليا، ليش لحد الان يقضي هواية من الوقت بهذا البلد، وشنو اللي يلهمه بيه. راح ننتقل بعدها الى عمله كمهندس معماري، سواء بذكر تجارب سابقة اله او رأيه بالمشهد العمراني اليوم ببغداد والعراق بشكل عام. وأخيراً، راح نحجي عن تجربته بتأليف كتابه، واللي تعلمه منها، والأثر اللي احدثه إله هالشي على صعيد شخصي ومهني. انتظروا حلقتنا يوم الثلاثاء الجاي، 31 تشرين الأول، بالساعة ٩ مساءً. حلقتنا هي بالشراكة وية شركة أي كيو (@weare.iq)، المزود الرائد للالياف الضوئية بالعراق، واللي مكاتبهم موجودة ببغداد، السليمانية، ودبي. حلقتنا هي ايضاً بالشراكة وية شركة كي (@qicard)، واللي هي شركة رائدة بمجال الدفع الالكتروني بالعراق، واللي تصدر بطاقات مثل الـ كي كارد والـ ماستر كارد، وتوفّر مختلف الخدمات المالية والتكنولوجية. رعاة هذه الحلقة هم: - جِنّي (@gini.iq): منصة تسوّق الكتروني خاصة بالمستلزمات والأجهزة الطبيّة - ديجيتال زون (@digitalzone.app): منصة رقمية مبتكرة تعمل على تطوير بيع الخدمات والمنتجات الرقمية بالعراق - مسواگ (@miswag_iraq): أول موقع تسوّق الكتروني عراقي، يوفّر كل احتياجات الفرد من منتجات - المحطة (@thestationiq): مؤسسة عراقية لريادة الأعمال، تدعم وتأهّل الشباب بمختلف السبل

بدأت هدى مسيرتها كمساعد مخرج وكدرت تكتسب خبرة واسعة بالمجال أهلتها تفتح شركتها الخاصة، عشتار العراق للإنتاج الفني، اللي أنتجت أعمال سينمائية متنوعة مثل الافلام الروائية والوثائقيات، منها فيلم "الجنائن المعلقة" واللي انعرض بمهرجان البندقة السينمائي (أقدم المهرجانات بالمجال)

راح نحجي بهذه الحلقة عن عدة المواضيع، منها مسيرة هدى المهنية وحياتها الشخصية قبل تأسيسها لعشتار، بدايات المشروع، تجميعها للفريق، النمو، الحصول على المشاريع والتمويل والدعم الها، وغيرها الكثير من التجارب اللي راح تشاركنياها هدى بالحلقة

تكدرون

.

بعد عدة سنين من كونه مدرب مرخص من مايكروسوفت استلم عمار منصب المدير التنفيذي لمؤسسة المحطة، وجان اله دور رئيسي بتنميتها. كدر بهالفترة يبني بيئة عمل مميزة وفريق كدر ينفذ مختلف البرامج الي دعمت الشباب وقطاع ريادة الاعمال بالعراق. رح نحجي بهاي الحلقة عن بناء فريق متجانس وبيئة عمل صحية، والمهارات المطلوبة مثل التواصل وتكوين العلاقات البنّائة، بالاضافة الى اراءه وافكاره بما يخص مواضيع مثل ريادة الاعمال، القطاع الخاص والعام، وغيرها. تكدرون تشوفون كل حلقاتنا على منصتكم المفضلة عن طريق الرابط: linktr.ee/tajaribpodcast ارسلولنا اقتراحاتكم للضيوف عن طريق الايميل: hello@tajarib.show

سولفنا وية ندى عن قصتها بصناعة المحتوى الترفيهي والمؤثر، والتسويق باستخدام المحتوى.

حجينا عن تجربتها بتأسيس متجر الكتروني للملابس، من اختيار المنتجات الى التوصيل والتسويق وخدمة العملاء. ندى عدها هواية نصائح تخص التسويق لأصحاب المتاجر على منصات التواصل الاجتماعي.

وأخير شي سولفنا عن الاعلان مع المؤثرين وشلون يسوق المؤثر عن منتج باستخدام المحتوى.

ضيفة حلقتنا هي عشتار العزاوي، لاعبة المنتخب العراقي للجوجيتسو، وبطلة العالم لسنة ٢٠١٩، ومؤسسة منظمة @forsah_iq للرياضة. راح نحجي وية عشتار عن بدايتها بمجال الفن القتالي، التحديات اللي واجهتها بالطريق، والنجاحات اللي كدرت تحققها بيه. راح نحجي همين عن أثر الرياضة على الناس (وبالأخص بالعراق)، إجتماعياً، وثقافياً، وأكيد صحياً، ونقارن هذا المجال بالعراق بنظيره بغير دول، والعوائق الرئيسية للناس اللي يخططون الدخول اله. أخيراً، راح نناقش عمل عشتار على خلق مجتمعات لمختلف الرياضات وصنع بيئة مناسبة الها، من فن القتال إلى التزلج (سكيتبوردنك)، وغيرها. حلقتنا هذه هي بالشراكة مع كي (@qicard)، شركة رائدة بمجال الدفع الالكتروني، توفّر بطاقات مثل الكي كارد والماستر كارد، وتقدّم مختلف الخدمات التكنولوجية والمالية لملايين من زبائنها العراقيين بشكل يومي.

حسين بدأ من عمر صغير اهتمامه بالتصميم. من كونه خطاط بالمنتديات الاونلاين الى تحويل اهتمامه الى مهنة والعمل على مختلف المشاريع التصميمية والعلامات التجارية، والهويات البصرية. سواء اثناء عمله بإحدى الوكالات الابداعية العالمية، أو الشركة الخاصة الي اسسها اللي تقدم هالخدمات، او @zuqaq13 ، براند عراقي يوفّر ملابس مستوحاة من الثقافة والتراث العراقي.

جانت بداية أحمد بالقطاع الخاص بتأسس وكالة ويا أصدقائه للحلول البرمجية والإبداعية، بعدها عمل كمدير عمليات بأحد محلات الأثاث قبل ليبدي مشروعه الخاص ariika يلي توفر منتجات أثاث عصرية ومريحة. خلال هل فترة عمل ويا تطبيق طلب التكسي كريم واستمر بهل شركة لمدة ٣ سنوات شغل بيها مناصب متعددة. وحاليا هو يشغل منصب المدير الإقليمي ل northladder وهي منصة مختصة بتجارة الأجهزة الإلكترونية المستعملة.راح يسولفنا أحمد عن تجربته بالعمل كموظف وصاحب مشروع بوقت واحد، وشلون كدر يبدي ariika ويبني العلامة التجارية ويثقف الناس بمنتجاتها. كذلك راح نسولف شلون عمله كموظف بكريم ساعده وطوّر مهاراته علمود يدير مشروعه وشنو التجارب المميزة يلي مر بيها خلال عمله. وراها راح نسولف عن دخول northladder للعراق وعمله بالإضافة إلى السوق المحلي للأجهزة الإلكترونية المستعملة.

بعد تخرجه من كلية التربية الرياضية وعمله كمدرب بدني، قرر يفتح قاعته الرياضية الخاصة يلي بعدين توسعت الى سلسلة من القاعات في مختلف مناطق بغداد. نحجي بهاي الحلقة عن بداياته لغيث وتطوره بالمجال، بالإضافة الى تحديات وفرص مجال القاعات الرياضية بالعراق وإدارته لسلسلة القاعات يلي يملكها. راح نسولف هم عن أهمية اللياقة البدنية والرياضة للفرد مهما كان اختصاصه أو عمله.

ضيف حلقتنا هو سنان الحاني، رئيس قسم استقطاب الموهبة بشركة زين العراق. خلال ال١٠ سنوات من شغله بهالقطاع، وبعد كون فريقه مسؤول عن انضمام أكثر من ألف موظف الى الشركة، سنان راح يشاركنا تجاربه بعدة مواضيع، اولها هو مفهوم الموارد البشرية، ودور هالقسم بالشركات الكبرى، عملية التوظيف من اول ما نشوف الشاغر الوظيفي الى اول يوم بالعمل، السيرة الذاتية، المقابلة، بالاضافة الى المحافظة على الموهبة و ادارة انتاجية الفريق.

قبل ما يكون مُحب للسفر، يعرّف مصطفى نفسه كمبرمج، فهو بدأ مسيرته المهنية من عمر صغير ببرمجة المواقع، والتطبيقات، والمنتجات. قبل ما يبلغ الـ ١٨ سنة باع واحد من منتجاته لشركة زين كاش، وتوظّف بعدها بالشركة كمطوّر.خلال فترة عمله، كوّن مصطفى اهتمام جبير بالسفر والسياحة، خلته يتطلع على مختلف مفاصل السفر، بدءاً من عملية الحصول على التأشيرات (الفيزا)، إلى تأمين السفر، حجز تذاكر الطيران، اختيار السكن والفنادق، النقل، الأكل، وغيرها. تعمّق مصطفى بكل وحدة منها وكدر يتعلّم شلون يسوي الخيارات الصحيحة بيها، وبنفس الوقت يقلل من تكاليفه ويسافر بأقل ميزانية ممكنة. بعد ما جمّع معلومات كافية من مختلف تجاربه، قرر أن يأسس تطبيقه، كاونتر، حتى يسهّل للناس عملية الحصول على التأشيرات وشراء تأمين السفر.راح نسولف بهالحلقة عن ليش مصطفى يسافر، شلون يسافر، المعلومات المفيدة اللي اكتسبها اللي ساعدته انه يستمتع اكثر بسفره من جهة ويقلل من تكاليفه من جهة اخرى، شلون اسس تطبيق يساعد بعملية التأشيرات وتأمين السفر، وشلون هالتطبيق اغلب زبائنه اصلا مو عراقيين، وحسابه المصرفي وتسجيل شركته بأمريكا. وأخيراً، راح نحجي عن اراءه بالبرمجة، وشلون يشوف الواحد ممكن يطوّر منتج رقمي ناجح.للاطلاع على خدمات شركة iQ، تكدرون تزورون الرابط: https://www.facebook.com/weare.iq/تكدرون تشوفون كل حلقاتنا على منصتكم المفضلة عن طريق الرابط: linktr.ee/tajaribpodcastارسلولنا اقتراحاتكم للضيوف عن طريق الايميل: hello@tajarib.show

من عمر صغير، كوّن محمد اهتمام بالبرمجة وعلوم الحاسبات، وقرّر بعد هجرة عائلته لأمريكا انه يتخصص بدراستها، وبعد عمله بمختلف المؤسسات كمبرمج، قرر انه يستكشف مجال التكنولوجيا الصحيّة والاحيائية واللي شارك بتأسيس كذا شركة بيها (Cancer IQ, medCPU) حصدت تمويل يصل الى ٧٠ مليون دولار، شغل بيها منصب الـ CTO أو رئيس قسم التكنولوجيا.بعد فترة من العمل بالقطاع الخاص خارج العراق، قرر محمد انه يستكشف فرص للابتكار داخل العراق، بدت بدورات للمبرمجين العراقيين بأمريكا، ووصلت الى انشاء منصة للتسوّق الالكتروني توصّل للعراق منتجات من أمريكا وغيرها من الدول، واللي تسميّت @pureplatform.راح نحجي بهذه الحلقة عن تجارب محمد بدراسة البرمجة (ولاحقاً تدريسها)، التكنولوجيا الاحيائية، عمله بإكتشاف وتعديل الجينات، الكشف عن السرطان، والشركات اللي ساعد بتأسيسها باستخدام هذه المفاهيم.راح نسولف عن تأسيسه لبيور بلاتفورم، بداياته، التحديات، النمو، نظرته لقطاع اللوجستيات والتوصيل بالعراق والمنطقة، والمستقبل اللي يشوفه اله.وأخيراً راح نحجي عن كذا مفهوم تكنولوجي محمد يشوفهم راح يلعبون دور أكبر وأكبر بحياتنا بمرور الزمن، منها الذكاء الاصطناعي، الواقع الافتراضي، وأخيراً البلوكجين (blockchain) والتكنولوجيا اللامركزية، واللي شغلت جزء جبير من محادثتنا بشرحها، الكلام عن تأثيرها، وتطبيقاتها بأمور غير العملات الرقمية مثل البيتكوين.ترقبوا حلقتنا الـ ١٨ من بودكاست تجارب وية محمد الخفاجي، يوم السبت القادم، الساعة التاسعة مساءً.حلقتنا هي بدعم من برنامج زين للشباب (@zainiraq)، وبرعاية من شركة المرشد الاستشارية (@morshed.bdc)، وسجّلت بمساحات مؤسسة المحطة لريادة الأعمال (@thestationiq).

.

ضيف حلقتنا هو ماريو مكاري، المدير الإقليمي لشركة @visa بالعراق والشام، واللي هي أكبر شكبة دفع إلكتروني بالعالم. راح نحجي وية ماريو عن تجربته وتجربة شركته بنشر الدفع الإلكتروني بالعراق، بدءاً من اجتماعاتهم مع دولة رئيس الوزراء السيد محمد شياع السوداني وعملهم مع مجلسه والبنك المركزي على مبادرات لدعم ونشر اجهزة وخدمات الدفع الإلكتروني، وصولاً إلى شراكاتهم وية شركات مثل @miswag_iraq و @totersiraq لتشجيع استخدام البطاقات الائتمانية.

بعد الإنخراط بالقطاع الخاص والعمل بمختلف المؤسسات، قررت رسل انه تفتح مشروعها الصغير لبيع الرموش والعدسات يلي بعدها تحول إلى علامة تجارية سمتها تركواز يلي اليوم تقدم مختلف المنتجات المختصة بالعناية بالبشرة والتجميل.

نحجي بهاي الحلقة عن قصة تأسيس مشروع تركواز والتحديات يلي تعرضتلها والمستقبل يلي تشوفه لمشروعها بشكل خاص وقطاع الجمال بالعراق بشكل عام، بالإضافة الى تجربتها المميزة كمرأة، زوجة، وأم، وموازنة هذه الحياة الأسرية مع تأسيس مشروع الها.

وغيرها من تجارب رسل بالحلقة #١٧ من تجارب

السبت، ساعة ٩ مساءً، الثامن عشر من شباط.

تكدرون تشوفون الحلقة كاملة على منصاتكم المفضلة عن طريق الرابط بالبايو.

حلقتنا هي بدعم من برنامج زين للشباب (@zainiraq)، وبرعاية من شركة المرشد الاستشارية (@morshed.bdc)، وسجّلت بمساحات بزنس افنيو (@businessavenue.iq).

نشكر كل منهم على دعمهم لعملنا بالبودكاست :)

#ZYouthGotThis #ZYouthTakeOver

.

من قطاع الإتصالات، إلى النقل، واليوم التعليم، أحمد صادق، المدير لعام لمنصة أبواب، راح يحجيلنا عن مستقبل التعليم الالكتروني والتدريس الخصوصي بالعراق، والعقبات الي بالطريق، وإحتمال أكو مطعم متنقّل بالموضوع؟

الهندسة، والبناء، والنفط والغاز، ثلاثة من أهم القطاعات بالعراق من حيث الأثر الإقتصادي، إذا ما چانت الأهم. ضيف حلقتنا هو المهندس ميثم الأسدي، الشريك المؤسس لمجموعة شركات الكوفان، واللي عملها يقع بنقطة تقاطع لكل هذه القطاعات. راح يشاركنا الضيف تجربته بكل من هذه القطاعات، من تكوين اهتمامه بيه، الى كسب الخبرة عن طريق عمله على مدى 8 سنين بشركة شلمبرجير (أكبر شركة بمجال حقول النفط بالعالم) خارج العراق، عودته الى العراق بعد الإحتلال وحصوله على أول عقد عمل، توسعة شركته الى مشاريع بمختلف القطاعات، التعاقد مع الحكومة، وتأسيسه لمشروع مدينة البصرة اللوجستية، أحد أبرز مشاريع المحافظة بقيمة ٢٤٥ مليون دولار، واللي هو لحد الان قيد الانشاء. حلقتنا هي بالشراكة وية شركة أي كيو (@weare.iq)، المزود الرائد للالياف الضوئية بالعراق، واللي مكاتبهم موجودة ببغداد، السليمانية، ودبي. حلقتنا هي ايضاً بالشراكة وية شركة كي (@qicard)، واللي هي شركة رائدة بمجال الدفع الالكتروني بالعراق، واللي تصدر بطاقات مثل الـ كي كارد والـ ماستر كارد، وتوفّر مختلف الخدمات المالية والتكنولوجية. رعاة هذه الحلقة هم: - جِنّي (@gini.iq): منصة تسوّق الكتروني خاصة بالمستلزمات والأجهزة الطبيّة - ديجيتال زون (@digitalzone.app): منصة رقمية مبتكرة تعمل على تطوير بيع الخدمات والمنتجات الرقمية بالعراق - مسواگ (@miswag_iraq): أول موقع تسوّق الكتروني عراقي، يوفّر كل احتياجات الفرد من منتجات - المحطة (@thestationiq): مؤسسة عراقية لريادة الأعمال، تدعم وتأهّل الشباب بمختلف السبل

.

من جان محمد طالب مرحلة ثانية بالكلية بدى مشروعه @transpi.iq ، ويلي هو تطبيق لتنظيم شبكة نقل طلاب الكليات. واجه محمد صعوبات وتحديات مختلفة برحلته، منها بسبب الوضع السياسي للبلد وجائحة كورونا، ومنها بسبب المشروع نفسه، خصوصا من الجانب اللوجستي للمشروع، ويلي خلة محمد يتخذ خطوات جريئة خلال رحلته ببناء هذا المشروع آخرها جان قراره بالتوقف عن العمل على هاي الفكرة.راح نسولف بهاي الحلقة ويا محمد عن شلون اجته فكرة المشروع وشلون بدة يشتغل عليها، بالإضافة الى التحديات يلي واجهها وشلون هل شي جان سبب بفشل مشروعه، بالإضافة الى القرارات الخاطئة يلي اخذها خلال بناءه للمشروع وشلون جان ممكن يتجنب هاي الأخطاء، وراح نحجي هم عن السبب يلي خلة محمد يتوقف عن العمل على هذا المشروع رغم فكرته يلي قد تبدو حلوة ودتحل مشكلة حقيقية.رابط iQ Group: https://iq.group/تكدرون تشوفون كل حلقاتنا على منصتكم المفضلة عن طريق الرابط: linktr.ee/tajaribpodcast ارسلولنا اقتراحاتكم للضيوف عن طريق الايميل: hello@tajarib.show