閒置中 Liber Podcast by 本土研究社 (本土研究社 Liber Research Community)

乜又係你呀市建局？市建局近排多多搞作，除咗再向土瓜灣開刀，摻埋大業主搶先參與發展食工廈，最新仲話要未清場就「預先批地」。整個九龍城究竟會變成點？市建局呢啲新招數又會點樣用落其他重建項目？今集研究員搵埋關注當區重建嘅Kelvin一齊拆解貪心嘅市建局點樣逐步擴充權力趕絕舊區面貌。 

研究員：劍、粉、Cody 

嘉賓：Kelvin（舊區街坊自主促進組成員） 

#市建局 #規劃工具 #土瓜灣 #明倫五街 #盛德街 

#市區重建 #拆工廈 #公務員合作社 #預先批地 

#閒置中 #本土研究社 #舊區街坊自主促進組 #ODAAG #本研Podcast #LiberPodcast

位處新田科技城及落馬洲口岸傍的下灣村，將成為其中一條北部都會區下被開發的非原居民村。

今集會從研究員實地考察過近來舉辦的土地誕出發，探討行村這回事，究竟是一種怎樣的體驗 ？一般以為新界鄉村文化就只得原居民村，原來非原居民村的文化節誕都曾經是區域性的盛事？新田科技城開發在即，未來各條非原居民村又會上樓定有得搬村？

今集《閒置中》有3位鐘意周圍行村的研究員，淺入深出同大家傾下，記得去Podcast訂閱同畀個回應我哋呀！

研究員：Elise、Stewart、劍

另見： 🎬最新！Youtube版： https://youtu.be/zHSLMPFHwgA

延伸閱讀：

EP154 漁乾中：新田科技城滅鄉事件簿

https://bit.ly/lrc-154

新田科技城彙整

https://bit.ly/3T5Q092

#下灣村 #非原居民村 #土地誕 #滅村危機 #非物質文化遺產 #新田科技城 #北部都會區 #生態災難 #土地規劃 #邊境開發

#新田發展計劃 #鄉郊環境 #規劃研究 #漁塘 #鄉郊 #漁業 #漁塘養殖

#米埔 #馬草壟 #米埔隴 #元朗 #新界北

#閒置中 #本土研究社 #香港 #本研Podcast #LiberPodcast

向難度挑戰一直是本研的研究精神，關注房屋及土地問題不只聚焦基層劏房，研究城市巨富各種不平等的土地掠奪（Land grab）仍是「大隱隱於市」，紅山半島實屬冰山一角。

近日研究員做了不少相關文獻回顧，讀到一篇如何剖析21世紀城中權貴各種在灰色地帶的掠奪操作，與今日香港相當對題，今集就由研究員一起講述文中觀點與對香港土地議題的啟示。

研究完：Sunny、劍

延伸閱讀：

【研究閱讀】城市權貴如何系統性侵占我們的土地？

https://bit.ly/eliteoccupy

【重榜調查】唔等地政已「全面調查」全港獨立屋違規霸官地　至少173間多圖任睇

https://bit.ly/48hq29j

為何塌泥紅山半島疑似霸官地可歷時上13年？

https://bit.ly/489ibdV

#巨富 #權貴 #僭建 #紅山半島 #由紅山半島到紅灣半島 #文獻剖析 #土地掠奪

#LandGrab #豪宅 #權貴掠奪 #EliteCapture #RentSeeking #研究閱讀

#富豪 #官地 #佔用 #違規 #獨立屋 #霸佔官地 #掘地牢 #規劃研究 #土地研究

#閒置中 #本土研究社 #香港 #本研Podcast #LiberPodcast

政府對市區舊屋邨的地皮虎視眈眈，近年重新推出不少重建計劃。80年代公屋結構醜聞引來大規模重建，今日保存完整的舊屋邨原來背後都與一間已經被很多人遺忘的機構有關。說到早年公屋單位質素，原來除了「鄔勵德原則」，當年還有另一批人為推動公營房屋的現代化而努力。透過重塑當年「超前時代」高質公屋的建屋考量，為現今鉛水、空心牆、納米化的公屋提供一個參考。

研究員﹕劍、希

特別嘉賓﹕Will

#鄔勵德 #祈德尊 #公屋重建 #西環邨 #高質公屋

房屋問題影響最深的無疑是初投社會的年青人。今集一眾研究員會從自爆搵樓初體驗，講到劏房市場背後的資金和集團式代理人的作用。現時政府對應劏房的措施狀況又係點呢？究竟又收埋左幾多光復劏房既絕招呢？

研究完：劍青、涼、Kelvin、希

後疫症全球在橦憬「綠色復蘇」，大力推動「綠色經濟」轉營，當中又有幾多綠？香港能源自給與永續之路都是舊問題，2021當下又有何倡議有望破局？今次《閒置中》邀得「日光社區」計劃成員來分享最新以城市公共空間作太陽能發電倡議，與研究員從土地談到外地，探索民間一條多元化可再生能源之路。

嘉賓：Rainbow、阿歡 （日光社區計劃成員）
研究員：Kristy、劍

近日香港因為「搶人才」，引發一番與新加坡比較熱潮，更有人話香港人才流失係因為收高爾夫球場起樓（！）。今集研究員同大家細數近年新加坡發展高爾夫球場、壓抑樓價辣招方面土地房屋政策點樣拋離香港，除了反駁「房稅撤辣吸引人才」等謬論，亦拆解政策落後所反映兩地管治思維差異，與「搶人才」成敗原來也不無關係？

研究完：青、黃、奕、粉

#土地政策 #房屋政策 #高球場 #粉嶺哥爾夫球場

#香港政府 #新加坡 #李顯龍

花卉對於一般香港人來說，似乎是年節時才偶爾購入的產品。但曾幾何時，本地花產業一年四季都非常興盛。花墟也是因為本地花農的聚集經營而成雛形。因為交通和物流技術進展，以及農田的流失，香港現在大部分的花卉已是進口貨。但現在花卉產業中，是不是完全沒有本地花的位置？本地花的產業，在生產、應用和銷售方面，正在面對怎樣的挑戰？ 今集《閒置中》，請來嘢·菜花實驗研究社的阿魚，為我們分享她以本地農田出產的花卉和各式作物，製作成花藝作品的經驗。藉著她對花藝同行和本地農業的觀察，探討本地花在種植、日常文化上，與消費者及香港土地議題有何關聯？ 研究員：劍青、Elise 嘉賓：阿魚 @嘢·菜花| 實驗研究社 #本地花 #花墟 #花業 #花藝 #嘢菜花 #本地農業 #食農教育#閒置中 #香港 #本研Podcast #LiberPodcast#本土研究社 #LiberResearchCommunity

古諮會會議最近無端端將中大崇基學院兩座教職員宿舍放上會議評級，到達葫蘆裡賣緊咩藥？中大校方冇參與其中同唔知情？中大毛石牆建築群同崇基早期校園係咩概念，又有咩歷史價值同代表性？古蹟辦今次分拆評級到底反映咗咩現象？

今集將由研究員同義工一齊講返研究發現以及實地考察、聽會嘅體會，剖析返現時文物保育嘅問題癥結。

研究員：劍、Brian、Stewart、On

延伸閱讀： 簡約與層次：中大崇基毛石牆建築為何逐漸消失?

https://liber-research.com/cuhk-heritage/

#中大 #崇基 #毛石牆 #校園建築 #文物保育 #香港古蹟 #古蹟保存研究

#博文苑 #牟路思怡圖書館 #應林堂 #華連堂 #明華堂 #蘭苑 #禮拜堂

#古諮會 #古蹟辦 #花崗石 #崇基學院 #崇基人 #止於至善 #香港保育 #香港歷史 #古蹟

#中文大學崇基學院早期校園 #中文大學 #香港中文大學 #發展至上主義

#CUHK #HongKongHeritage #hkarchitecture #hkheritage #hkconservation #HistoricBuildings #hongkong

#閒置中 #本土研究社 #香港 #本研Podcast #LiberPodcast #HK #2023年

近日被熱烈討論嘅土瓜灣呃樓事件，究竟背後嘅「龐大犯罪團伙」涉及嘅人點樣各施其職促成罪案?
民間調查方法被收緊，又會唔會令市民更難保障自己，令市民成為騙徒嘅囊中物？研究員同大家一齊探討案情鬼魅之處！

研究完：劍青、Brian、Kristy

簡約公屋真的是「唯一」解決劏房的方法？

要思考如何「告別劏房」，先要真實了解劏房問題及處境。根據最近統計署公佈事隔５年的劏房專題報告，作為現時香港房屋問題的重點，最新劏房現況的全面公佈似乎十分「靜雞雞」，政府當然亦未有高調提及。

研究員今集邀請埋一直關注劏房問題的呀山細睇埋報告中的具體細數，更為大家解讀內裡玄機，除了整體數字上升，劏房近年有什麼樣的變化？

再問真啲，若單靠土地供應作為「唯一」解決房屋問題，政府未免想得太天真，這個不適切居所的問題未來只會以不同形式繼續存在。究竟劏房問題應該要如何改善及處理？具體可以有什麼方法？

研究完：劍青、牙朗、涼

嘉賓：鄧寶山（全港關注劏房平台召集人）

https://www.facebook.com/SubdividedFlatPlatform/

#劏房 #住屋權 #基層住屋 #房屋研究 #簡約公屋

#劏房戶 #弱勢社群 #基層權益 #劏房租金 #房屋政策 #房屋問題

#劏房報告 #劏房數據 #統計處 #居於分間樓宇單位人士主題報告

#HongKong #HKhousing #HKliving #Subdividedhouses

#閒置中 #本土研究社 #全港關注劏房平台 #SubdividedFlatPlatform #本研Podcast #LiberPodcast

依期興抽居屋，今集同大家全面盤點居屋政策方方面面嘅問題，分析大家點解會抽唔到？

新一輪居屋申請今日截止，僧多粥少的情況下，無可避免又有新一批的市民望門輕嘆。今集研究員同大家盤點居屋作為一種房屋資源，普通人一共有多少種途徑上到樓，連帶分享一些不少人不知的小秘密，居屋配額裡面原來有個世代房屋問題？居屋可以賣貴成本價四倍的原因又是甚麼呢？抽中居屋代表你即袋「被動收入」上百萬？

今次閒置「綜」，為大家綜合平日資訊碎片化下心思思想知，有啲影響深遠、有啲又幾「詼諧」嘅幾則新聞摘要，加上研究員嘅即時反應、日常觀察以及精要分析，務求以最短時間內為大家掌握城市問題的最新動態。

研究完：劍、希、涼

岩岩立法會出咗未來一年立法建議，見到政府終於打算向城規程序修例開刀。政府近年成日講城規程序「架床疊屋」，究竟城規程序係咪真係咁多餘？城規背後又代表緊什麼功能及理念？今集邀請積極關注城市規劃及生態保育嘅環團王子Roy同我地分享多年民間參與城規程序以及環評嘅經驗，一齊拆解政府嘅「精簡」謬誤。


研究完：劍、黃、涼、長春社公共事務經理吳希文

明日大嶼以外最燒錢基建必屬「北部都會區」莫屬，據政府財務顧問估算造價達至少三萬億。夠唔夠錢畀都好，政府剛披露北都《行動綱領》，不少新奇有趣新規劃即將上場： #流浮山數碼港 、 #北都大學教育城 、 #藍綠康樂旅遊生態圈 等等。研究員今集同大家Update北都的最新狀態，同大家探討下北都規劃最根本、作為香港人不得不知嘅問題。

研究完：劍、Brian

延伸閱讀：

北部都會區彙整—本土研究社

https://bit.ly/49sEr2U

#北部都會區 #萬億投資 #產業發展 #香港規劃 #高端專業服務和物流樞紐 #創新科技地帶 #口岸商貿及產業區

#發展局 #紅花嶺郊野公園 #北部都會區行動綱領 #新界北發展 #規劃研究 #土地研究 #產業研究 

#濕地保育公園 #南生圍 #三寶樹 #蠔殼圍 #北都 #元朗南 #創科用地 #財政儲備 #融資

#閒置中 #本土研究社 #香港 #本研Podcast #LiberPodcast

當財赤已不是新聞，大眾的注意點轉移至政府的理財新方針－以發債當收入，借貸度日，期望喺經濟低谷後再靠土地還債還息兼發大財，係咪真係Ｗork 先？大家唔使睇晒全份財「赤」預算案，研究員已為大家精煉報告重點，同大家分享下狀況有多壞！

研究完：劍、Brian

另見： 🎬最新！Youtube版：https://youtu.be/-ssoTkDbjjg

延伸閱讀：

EP184 見紅中－政府庫房大穿窿？

https://bit.ly/lrc-184

回顧明日大嶼的一生（2018－2024？）

https://bit.ly/3SXmQbZ

#地租經濟 #財赤 #赤字預算 #財政預算案 #公共財政 #取消消費券 #撤辣 #陳茂波 #發債 #入不敷支 #明日大嶼玩完 #赤字 #香港財政 #政策研究 #財政研究 #政策研究 #BudgetPlan #HKFinance

#閒置中 #本土研究社 #香港 #本研Podcast #LiberPodcast

年頭食環公佈上年度總滅鼠量接近十萬隻，睇返歷年嘅數字，捕鼠量一年比一年多，而投訴數字又係咁升，咁究竟捉得愈多老鼠係咪代表鼠患問題就緩和咗？定係因為多咗老鼠所以多咗老鼠畀人捉到？老鼠嘅出現同城市空間、環境衛生、全球暖化又有咩關係？城市老鼠愈嚟愈多又有乜啟示？今集閒置中，三位研究員Emily、Brian、劍青同深入淺出講老鼠。

💪🏻支持我們：https://liber-research.com/support-us...

❤️關注我們：https://linktr.ee/liberresearch

#本土研究社 #LiberResearchCommunity

今集Podcast 帶大家衝出香港返「鄉下」。研究員啱啱去咗日本大阪，考察咗當地惡名昭彰嘅人工島—夢洲同咲洲，個島填好後經營數十年搞極都搞唔起。當地政府為救島不斷再度倒錢落海起基建，令政府負債纍纍，成為聞名全日嘅「負遺產」之島。普遍來講日本社會發展軌跡比香港走前十數年，當地人工島失敗經驗對明日大嶼有何啟示？

研究未完：劍、Brian、Elise

延伸閱讀：

• 【衝出香港】睇日本失敗人工島 https://bit.ly/48Sbflt
• 人稱「負遺產」之島的大阪夢洲 https://bit.ly/3HDBFvm

#負遺產 #另類旅遊 #明日大嶼 #夢洲 #舞洲 #咲洲 #關西機場 #人工島 #填海 #大阪 #日本旅行 #日本旅遊

#閒置中 #本土研究社 #香港 #本研Podcast #LiberPodcast

政府低調公佈劏房數字，數字再創高峰升至十萬七千戶。又話「告別劏房」點解仲會係咁升？呢個數又點計出嚟？又反映緊啲咩房屋新形勢？劏房問題講咗咁多年點解政府究竟做咗啲咩？簡約公屋又解唔解決到劏房問題？今集研究員同你一齊深度分析下呢個「劏高峰」，睇清楚劏房問題嘅最新形勢！

研究員：劍、涼、王

郊野公園收費豪華露營選址曝光！漁護署諗住喺郊野公園內做「升級露營/生態小屋」，初步選址點解偏偏選中大棠同流水響？由諮詢模式到研究範圍，呢份顧問研究有咩先天性盲點？漁護署講到明會研究外判畀私營機構做，但現存有咩例子見到咁嘅方法未必work？疫情過咗兩年幾，香港多咗幾多(豪華)露營地？現存嘅問題點預視到漁護署建議嘅潛在問題？經常落site緊貼私人營地發展嘅長春社嘅Roy同Kristy對今次漁護署嘅研究有咩睇法？

研究員：雄、正
嘉賓：
長春社公共事務經理 吳希文先生
公共事務主任 周藹銓小姐

官方近月不斷放風精簡城規程序，當中最駭人聽聞的建議包括﹕放寬濕地緩衝區發展密度和縮減城規公眾申述等。中央最關注香港房屋問題的矛頭，逐漸由搵不夠地轉移成官僚程序拖慢。近兩年跨部門精簡發展管制督導小組推出的措施，似乎由早期刪減部門間重覆的審批，到今日考慮極具爭議性的項目，未來數月這些本月專題探討的 #肢解城市規劃 措施亳無疑問會陸續浮面，其長遠影響仍難以估計，但必然十分重要。

研究完：劍、涼、希

疫情期間坐困愁城，唔少人會尋找近郊IG 打卡熱點，但最近有一單非常具技術性、而且少人留意到的城市規劃新聞，好可能會令呢啲美景頓成泡影！近日城規會已經迅速通過了一份規劃指引，令棕地作業能夠更加容易進駐超過300公頃的近郊地區，研究員睇過受影響地帶，包括鄰近鷺鳥林保育地帶、IG 打卡花海、黑羊食草的隱世鄉村等等，未來很可能烏煙瘴氣的貨櫃場和回收場，未來鄉郊環境質素將會直線下降。政府為何有此舉動？呢個改動又意味著未來鄉郊如何改變？

研究員：劍、Brian

延伸閱讀：【棕門大開】修例放任320公頃保育農地變棕地 新界勢變「棕部都會區」

https://bit.ly/41sW2Ua 

#棕地 #丙崗 #牛潭尾 #新田 #土地研究 #規劃研究

#上水 #心田 #恐龍坑 #林村 #打石湖 #坪輋 #打鼓嶺 #沙頭角 #萬屋邊#元朗 #流浮山 #沙江村 #八鄉 #蓮花地 #金錢圍 #水流田  #逢吉鄉 #唐人新村 

#鷺鳥林 #貨櫃場 #棕地入侵 #土地保育 #回收場 #城規會 #環境破壞 #香港土地 

#閒置中 #本土研究社 #香港 #本研Podcast #LiberPodcast

上星期五土地共享計劃「靜靜雞」公佈咗兩個發展商申請，今集研究員就同你傾下呢種由地產商主導既土地「共孽」嘅現況，究竟會引伸咗咩規劃、空間以及社區問題？當中又反映緊未來香港點樣嘅城市發展趨勢？

研究完：鴻、劍、涼

農地在香港鮮少成為議題的主角。有關農地的新聞，大多是農地被破壞了，被徵收了的被動處境。然而，一塊適合進行農耕活動的土地是怎樣的？我們可以如何分辨農地的現行狀況？不同類別的農地位於香港何處？城市各處的農地，又分別面對怎樣的處境？尤其是最近政府力推的「北部都會區」，正影響香港農地最集中的北區及元朗區。與北都「城鄉共融」的準則相呼應，優質農地可以如何滿足大眾各方各面的需要，發揮多元的價值呢？

要回應以上關於香港農地狀況的重要問題，今集《閒置中》請來葉子林先生，談談試驗性地集合學界、環團及民間團體跨界完成的《活農活現：北部都會區農地調查報告及農業優先區建議》研究中，調查農地現況的方法，意料之外的研究發現，以及對農地規劃政策制定的展望。

嘉賓：葉子林先生（嘉道理農場暨植物園再生農業部經理）

研究員：劍青、Elise

#農地農用 #保田保農 #活躍耕地 #閒置農地 #城鄉共融 #北部都會區 #活農活現 #農業優先區 #農地

嚟到閒置中喺2024年嘅最後一集，我地率先回顧過去一年研究社做過嘅大小事，究竟邊個議題係本年度最受歡迎又引起到最多嘅討論？今年研究社做咗啲咩新嘗試呢？再回顧2024年嘅香港，我地會用咗邊隻字嚟形容今年城市經歷緊嘅嘢？同埋對研究社喺2025年嘅展望。
今集閒置中同大家講2024，同埋祝大家happy new year!

研究員：劍、Cody、Emily

林鄭退任講自己將會租樓住，自我否定過住林鄭政府一直推崇的「置業階梯」。今集研究員同你細談林鄭「只租不買」的背後動機同意義，一齊睇下置業主導嘅房屋策略點樣影響緊香港人嘅各種居住需求？而家香港私人租住市場又出現咗咩問題？而「租住」本身又係咪可以成為香港人居住選項呢？

研究完：劍、涼

#林鄭 #只租不買 #租樓 #置業 #置業階梯

大家有無試過去錯地方，或者目的地同我哋腦海嘅記憶有出入呢？

有時地名會連帶回憶，例如深水埗會聯想價格相宜嘅舖頭，有特色嘅電子零售業、布業、皮革業等。

但我哋嘅認知可能會畀市區重建項目同地產界逐漸「改造」深水埗。我哋今次同大家討論地產文學究竟點樣扭曲大家對深水埗嘅記憶同邊界，令買家因為代理語言藝術墮入美麗嘅誤會之中。會唔會有一日「深水埗」將會消失於地圖之中？

今集閒置中，我哋有研究員分享日常觀察及研究心得。

研究員：劍青、Sunny、Echo

#本土研究社 #LiberResearchCommunity

「丁屋大王」王光榮早前被廉署以嫌疑套丁被捕，呢位「丁屋大王」其實已經多次出現喺本研嘅套丁研究報告之中，單單一個丁屋屋苑「曉門」就已經多達139幢丁屋。而今次突發拘捕究竟有咩含義？係唔係真係坊間所講「鬥地主」？鄉紳係咪被人用完即棄？跟現時整個政治形勢有咩關係？今集研究員同你更深入探討今次拘捕「丁屋大王」背後潛藏嘅管治術，將會如何影響整個新界利益分佈以及未來鄉事派的命運。

#阿！拉丁神燈

研究完：劍、涼、鴻

市建局重建摧毀不少特色社區，最新的魔爪更伸入九龍城，今次以重置為名，實則拆走九龍城街市起豪宅，更有六成範圍係公有土地，強行將公家資源私有化。被選中嘅九龍城面臨咩危機？市建局又有咩新嘅重建招數？呢啲「規劃工具」會點樣影響日後舊區發展？

研究完：屍、鴻、史、卡

#市建局 #舊區重建

#九龍城 #九龍城街市 #李基醫局 #戰前唐樓

#閒置中

2年前因遠東發展計劃到訪荔枝角九華徑村考察，當年拍攝過剛被長實已危險之名拆毁的曾氏大宅，今日已成遺照。究竟這條國共文人落難經歷，僅存於市區的客家古村正面臨什麼危機，這一拆又折射出什麼發展模式、保育政策與土地利益的問題？

研究完：史、劍

延伸閱讀：

九華徑大宅古蹟無聲無息被拆無人問津？

https://liber-research.com/no22kwauwahkeng/

【行落去】九華徑勢被鏟平建半個太古城 城中村深度遊預視四大問題，本土研究社

https://youtu.be/KJwXhHfhcg0

#曾氏祖屋 #九華徑22號 #古蹟辦 #古諮會 #歷史建築 #古蹟保育 #長實 #遠東酒店

#九華徑村 #曾氏大宅 #曾憲新祖屋 #遠東酒店 #邱德根家族 #建築群 #香港歷史

#古物諮詢委員會 #古蹟 #文物 #hkheritage #hkheritage #hkconservation #HistoricBuildings

#閒置中 #本土研究社 #香港 #本研Podcast #LiberPodcast

「城•鄉•郊•野」的「鄉」往往是夾在中間較為忽略的一環，面對過往對本土鄉郊的進擊，鄉郊在未來香港還會剩低多少？香港人如何認識我們的鄉郊，是否只是得丁屋、棕地與有待開發的同義詞？

研究完：夏、屍、青

#鄉郊 #明日鄉

#未來環境研究

#閒置中

政府成日對郊野公園虎視眈眈，早排財政預算案竟然係財赤情況下，竟然撥咗5億係郊野公園增設樹頂歷奇同搞豪華露營，嘗試以「旅遊」之名開發郊野公園資源，究竟同郊野公園嘅原意係有咩衝突？

研究完：Brian、KimChing、Kristy

抗疫由社區層面做最有效，隔離屋有無中？點樣中？幾時中？掌握基本資訊，起碼心裡都有個譜，唔駛慌失失。但自第五波疫情爆發，政府唔再公佈每宗個案詳情，因為「已經冇乜意義」，近日因為「數據滯後」，連初步確診數字都無埋，對大眾會有咩問題？今集研究員同大家講下，在逐漸消失嘅防疫資訊，如何影響市民理解病毒及城市空間之間的關係，以及其潛在後果。

研究員：劍、涼、鴻

繼油旺、深水埗，市建局即將會用「全區重建」模式套進荃灣市鎮舊區。近日有文件透露將有「數幅」荃灣公共設置被重建盯上，可以估計將已鎖定一批市鎮內的舊街市、診所與公共建築，將有可能成為市區重建圈公家地的犧牲品。

荃灣作為戰後市鎮，究竟區內的公共設施/建築對荃灣社區有何意義? 所謂「一地多用」的重建模式具體有何問題? 現時率先透露風聲會否引發投機收樓，趕絕城市基層的生活及社區空間？

研究員：劍、Cody、Brian

#荃灣 #全區重建 #市建局 #一地多用 #公共設施 #城市地景 #偷公家地

#荃灣街市 #香車街街市 #戴麟趾夫人分科診療所 #雅麗珊社區中心 #荃灣多層停車場大廈 #荃灣大會堂 #荃灣裁判法院 #公共建築 #新市鎮

#荃灣重建 #深水埗重建 #油旺重建 #九龍城重建 #土地研究 #地區研究 #市區重建局

#閒置中 #本土研究社 #香港 #本研Podcast #LiberPodcast

大家最近一次去公共圖書館是什麼時候？近年借書量下降又是否代表閱讀或者逛圖書館這件事已經失去魅力？今集研究員將分享下以前浸在圖書館的書蟲生活，亦都會提及較早前搜羅的各適各樣的專題圖書館，旨在透過研究拋磚引玉，等大家一齊補漏拾遺搵下各類型嘅藏書地標，亦都重新關心閱讀的公共空間。 研究員：Elise、劍青、Stewart

💪🏻支持我們：https://liber-research.com/support-us... ❤️關注我們：https://linktr.ee/liberresearch #本土研究社 #LiberResearchCommunity

市建局周日寫Blog當公佈將開展深水埗全區重建研究，由界限街以北到興華街以南十九幾條街無一倖免，話參考過往油旺研究的「成功經驗」，圈地開發怪手終於殺入市區基層最核心地帶，究竟今次想攪邊科？

有人形容係新香港人低端人口清洗計劃，有人覺得係文青末日，又有人話深水埗又殘又舊不如拆咗佢，究竟重建計劃應唔應該咁做，如果唔係咁做又可以點？

今次點到名大南街、鴨寮街、主教山配水庫作重點研究，開發概念極似鵲巢鳩佔社區文化資本據為自有，時裝設計布料Cyberpunk文化旅遊藝術展覽，又係咪可以靠拆同重建打造出嚟？

研究完：劍、Cody

嘉賓：庭豐（深水埗區議員）

另見：

市區基層文青街道大滅絕　油旺全區重建推土機北上殺到深水埗

https://bit.ly/3jUQXmX

#深水埗重建 #市建局 #市區重建 #城市規劃 #EP142

#深水埗 #長沙灣 #九龍城重建 #油旺重建

#鴨寮街 #大南街 #文青小店 #天光墟 #香港設計中心

#鈕扣街 #珠仔街 #花邊街 #時裝街 #皮革街 #設計及時裝基地 #創意產業

#主教山配水庫 #前深水埗配水庫 #社區 #弱勢社群 #基層權益 #發展商視角

#土地研究 #地區研究 #市區重建局 #本土研究社

#閒置中 #本土研究社 #香港 #本研Podcast #LiberPodcast

香港電台長壽節目 - 城市論壇亦被停播。除了伴隨香港市民近40年歷史，節目中多次對辯亦成為全城茶餘飯後的熱門話題，亦顯示城市論壇當中的公共性及時代意義。今次有研究員同你清談一下，過往親身參與城市論壇的經歷、城市論壇作為公共場域、以及當中對辯論戰如何發生。最後，在現時「全面管治」下，更需要從中嘗試尋找公共空間的新出路。

研究完：劍、涼、史

房委會岩岩公佈來年財政預算，原來上年2021年無賣新居屋計劃都賺90多億，你估起居屋公屋一定蝕？房委會近年究竟點樣賺咁多錢？政府成日強調對綠置居/居屋資助有幾大，房委會究竟係大水喉定係負擔？睇番而家政府對公營房屋政策，公屋居屋本來作為層安居樂業嘅同義詞，搖身一變成為置業階梯第一級。

研究員﹕劍、涼、希

唔講唔覺，上星期林鄭終於公佈咗今年度「專政」報告。我地都知道大家唔係好想聽林鄭把聲，所以不如今次就研究員為你聲音導航，講下份報告有咩要魔鬼在細節嘅地方，全方位咁揭示下政府有幾咁不堪。

繼16年巴拿馬文件曝光世界政要富豪避稅，近日再有避稅密件「潘朵拉文件」（Pandora Papers）爆出兩位香港前特首持有離岸公司，究竟當中會唔會涉及潛在利益衝突呢？今集同你閒談下香港土地房屋問題「公司離岸化」嘅最新現況，究竟香港避稅合法化可以點玩？富豪政要避稅又點影響到香港市民？同時又反映緊香港面對緊什麼嘅稅制黑洞？

研究完：劍、涼、蔡

近日有風向傳中央要出手解決香港現時房屋土地問題。作為一直有跟進土地議題嘅一眾研究員就同大家一齊拜讀紫荊黨嘅「中央有權協調香港土地供應」一文，分析現時中方如何理解香港嘅土地房屋發展嘅利益版塊，探討究竟邊個先係所謂「既得利益者」？同時呢啲既得利益者又點樣從香港土地制度中獲利？所謂「鬥地主」嘅土改情況係咪會喺香港發生？

研究完：劍、涼

套丁報告2020正式發佈，重擊鄉黑核心利益，今集簡明講下報告幾個超重點，睇下班鄉黑可以有幾放肆，睇下有冇可以針對佢地非法經濟來源、「制裁」鄕黑嘅方法

本保護議員嘅特權法可以用嚟反控議員，象徵緊啲咩？點解立法會淪落到咁？今集同大家講下特權法嘅故仔，發掘下當年立法時發生咗咩「趣事」，或者可以帶俾我地一啲嘅歷史啟示。

今日突發傳出現任警務處財務、政務及策劃處處長譚惠儀8月將接任土地註冊處處長，繼車牌、公司查冊之後，土地查冊亦無一倖免成為政府針對嘅目標。今集研究員同你快問快答探討現時呢個人事調動背後有咩潛在嘅社會影響同意義，尤其喺國安法時代，究竟喺警隊辦事嘅處長會點影響土地註冊處？呢個人事調動又釋出緊咩管治訊息？又會唔會改動現時土地註冊嘅制度同查冊程序？對傳媒、研究社以及民間有咩深遠影響？

研究完：劍、涼、Brian

今日林鄭正式宣佈最新得意諗法，將明日大嶼願景大減700公頃，究竟因乜解究本來係林鄭任內既旗艦項目，變左可加可減既「後日大嶼」? 未諮詢就直接宣佈，究竟邊個最傷心? 做一半唔做一半會令明日大嶼出現什麼處境?

研究完：劍、希、Kristy、Stewart

市建局提出重建旺角花墟，令香港人不得不重新審視這個專屬於園藝的集中地何去何從。適逢幾位研究員在盛夏前往英倫，路經倫敦最有名的哥倫比亞路花市(Columbia Road Flower Market)。
各研究員將在今集閒置中分享在倫敦所見所聞，究竟當地社會對花有甚麼看法？

倫敦的花卉與植物現在的地景有何特色？當地的政府相關部門，在疫情中知道哥倫比亞路花市遇到挑戰時，如何設定自己的角色，去支持花市的未來發展？這個花市的規劃，又可以為香港花墟現時人車爭路、想提升顧客體驗等問題，帶來甚麼啟示？

研究完：Brian、Sunny、Elise

賣地流標、棄補地價、近日就連大發展商，囤積多年的農地土儲最後都宣佈「棄保」，北部都會區整整6塊「原址換地」申請也讓政府收地賠錢了事，單是被譽為新界最大農民的某叔也棄掉3大幅，似乎疫後地產經濟玩法已不像從前，2024年香港正式進入新土地格局，該有何準備，你又準備好未？

研究未完：劍、Brian

#流標 #發展商 #補地價 #北部都會區 #土地議題 #土地儲備 #新界東北發展計劃

#農地 #住宅地 #地產商 #原址換地 #公私營合作 #新土地格局 #土地研究 #規劃研究

#閒置中 #本土研究社 #香港 #本研Podcast #LiberPodcast

各位聽眾或者試過等車時會聽《閒置中》，有無發現近年有啲地方巴士小巴班次越來越疏，或者係咁兜路？唔搭港鐵的話，通勤時間會耐咗？竟然有巴士線早上送你返工，但夜晚停駛唔送你返屋企？

今集《閒置中》邀請咗「交通規劃發展聯席」兩位嘉賓，佢哋花咗一年時間落巴士站搵乘客做問卷了解乘客真正需要，炮製咗一份關於九龍過海人士的交通習慣嘅研究報告，發現東鐵延線通車後，唔少人搭非港鐵交通過海反而用耐咗時間。TH 同Alex 會同大家分析，以「鐵路為骨幹」嘅交通政策，究竟出咗啲咩結構性問題。

研究員：Brian、Stewart

特別嘉賓：TH、Alex@交通規劃發展聯席

延伸閱讀： 《九龍中部過海交通習慣研究》研究報告

https://bit.ly/42dfW5Q

#過海交通 #東鐵過海 #鐵路 #巴士 #九龍中 #交通規劃 #通勤

#九龍中部過海交通習慣研究 #九龍城 #黃大仙 #慈雲山 #何文田 #彩雲 #紅隧 

#公共交通 #公眾參與 #運輸署 #規劃研究 #運輸規劃 #交通研究

#閒置中 #本土研究社 #香港 #本研Podcast #LiberPodcast

下年過萬間新居屋+綠置居周街都睇緊抽唔抽，其實又有幾多人真係有需要抽? 原來當中仍賣唔出既綠置居貨尾，絕大多數都是187呎納米單位，為左追數未來公屋係咪「細」之所趨? 近日政府消息人士頻頻放風加長轉售年期限制，又會唔會令想買居屋自住既市民容易抽左? 今集唔係上樓攻略，但想買嘅你要知。

研究員﹕劍、涼、希

#六百萬綠置居 #納米居屋 #炒居屋 #傳增長轉手年期

小時候學「釣勝於漁」，今日未來特首反過來講「以結果為目標」，牽起了一番關注會否更加不摘手段的爭議。憑初步的班底同言行透露，究竟未來「超」式發展觀，會為我地既城市引向乜既結果？

研究完：劍、淳、斯

近年，香港與飲食相關的議題日益成為焦點。從雙餸飯到酸菜魚，選擇貌似多左口味濃左。有預估顯示未來可能有3000家餐館面臨倒閉，同時也見到堅持使用本地新鮮食材的餐廳仍在不懈努力。香港享用一餐，都有愈來愈多值得思考的課題。

香港這個美食天堂迅速衰落的原因，究竟是受到外部環境競爭的影響，還是有其他內部因素？

本地食材餐廳之所以未能廣泛普及，是因為本地食材的供應不足，還是實際上高質量消費者的數量有限？

一個城市的生活品質重要指標之一，是飲食的質量。除了需要保護能夠生產新鮮食材的本地農地之外，我們還應該如何珍惜香港獨特的多元味道？

今集《閒置中》研究員搵埋《味緣香港》作者呂家俊，淺入深出同大家傾下有關我們城市的味覺正如何變化。

研究員：劍、Elise、Stewart

嘉賓：呂家俊 《味緣香港》作者

🎬最新！Youtube版： ⁠https://youtu.be/S47NB9d4Y-s

今年施政報告公佈眾多天馬行馬的措施，其中包括放寬祖堂地出售門檻。而背後嘅影響好有可能係估你唔到咁深遠，特別喺現時鬥地主嘅風聲下，究竟林鄭呢一著會點樣改變未來新界整個土地利益格局？今集研究員同你深度傾下今次祖堂地放寬背後的利益版塊變化，祖堂地研究員又收到啲咩鄉事嘅內幕消息？究竟政府係咪（扮）唔知祖堂地嘅位置同分佈？又會點樣引發鄉事同發展商嘅新互動？

研究完：劍、黃、涼

丁權司法覆核案上訴庭判決話丁屋合憲，鄉議局第一時間出嚟表示贏番3比0，今次研究員就同你分析上訴庭判詞，指出當中可能遺漏嘅歷史事實，睇下丁屋係咪真係所謂「傳統」？定係已經變哂種金嘅特權？今次判決會為香港帶嚟啲咩潛在影響同後果？丁權覆核案後續又係點？

北部都會區的重點計劃 — 新田科技城規劃出爐，發展範圍激增爆入魚塘濕地保育區，成為繼新界東北規劃後最大規模滅鄉計劃。

研究員近日入新田實地考察，探訪受影響漁農戶，走遍魚塘大地，體會到一些文件以外的實況與規模，在公眾參考即將開展之際，探討新田科技城規劃十大主要問題。

研究完：Brian、劍

延伸閱讀： 

【新田科技城】考察近年最大滅鄉計劃實況

https://bit.ly/3qw2D2E

【17個科學園】新田科技城十問

https://liber-research.com/santin_10_questions/

【新田圈地城】私下批地　將會重蹈韓國松島「創科黑洞」覆轍嗎？

https://liber-research.com/songdo_direct_land_grant/

#新田科技城 #北部都會區 #生態災難 #滅村危機 #土地規劃 #邊境

#新田發展計劃 #鄉郊環境 #規劃研究 #濕地 #非原居民村

#漁塘 #鄉郊 #漁業 #農業 #漁塘養殖 #新界北

#石湖圍 #小磡村 #麒麟村 #鹿尾村 #米埔隴 #三寶樹 #元朗 

#閒置中 #本土研究社 #香港 #本研Podcast #LiberPodcast

事隔十多年，政府打算強拍再修例由８成到７成，等同叫發展商向舊區全面進場。今集研究員同你拆解今次新修例的內裡細節，究竟強拍係咪政府講到咁公平公正？真係處理緊市區老化問題？新修例之下，發展商究竟可以有幾大彈性兼併舊樓？小業主又會點樣被進一步剝削？

研究員：劍、涼、王

#降低強拍門檻 #八轉七 #市區重建 #業主權益

#強拍 #強拍門檻 #舊區重建 #小業主 #收購商 #發展商 #地產發展

#房屋供應 #基層住屋 #香港住屋 #房屋研究 #住屋研究

#閒置中 #本土研究社 #本研Podcast #LiberPodcast

世紀水災無分貧富，連環山泥傾瀉，竟將紅山半島和西貢獨立屋霸官地僭建地庫的問題曝光。冧山泥和連環水浸，除了將隱藏在城市底部的問題一次過暴露於眾人面前外，亦令人思考我哋嘅城市設計及官員們嘅發展主義思維－－繼續盲目填海填濕地－－如何（不能夠）應付氣候變化的年代？官員拒絕思考，民間又可做什麼？

研究完：劍、Brian、Stewart

延伸閱讀：

為何塌泥紅山半島疑似霸官地可歷時上13年？

https://bit.ly/489ibdV

#僭建 #紅山半島 #水災 #黑色暴雨 #水浸 #觀塘 #黃大仙 #柴灣 #將軍澳 #西貢

#黑雨 #暴雨 #城門河 #林村河 #翠屏河 #黃大仙中心 #清水灣 #填海 #海水倒灌 #獨立屋

#地政總署 #發展局 #明日大嶼 #規劃研究 #土地研究

#閒置中 #本土研究社 #香港 #本研Podcast #LiberPodcast

近日市建局除咗講到明唔會起公屋，最新的重建項目仲愈嚟愈大貪。今集研究員同你一齊傾下市建局點樣係市區「搵食」，喺九龍城重建計劃點樣做到「官商同謀」，又可以點樣用盡「特權」？今次仲搵番當年重建One house 地契的官司淵源，睇下點樣搞到私人發展商好「頭痕」？

研究完：青、菜、夏、文

你平時有冇探索過屋企後面座山有啲咩？又有冇發現呢啲後山好多都係綠化帶？政府最近揀咗8幅共255公頃嘅綠化帶嚟起樓，但至今公眾得知嘅都只係得地圖上嘅8粒點，連確實選址範圍都唔知，究竟點樣評估是次改劃對城市規劃、生態有咩影響？呢啲近在咫尺嘅後山，除咗連桌球大師奧蘇利雲都讚20分鐘就去到，同城市又有咩關係？今集研究員一齊分享吓各自嘅後山經歷，探究吓點解咁多地唔搞，偏偏要搞綠化帶。

研究員：劍、正、粉、卡

#綠化帶 #後山 #滅村 #城市規劃 #房屋規劃 #房屋發展 #奧蘇利雲

#屯門東 #掃管笏 #麟麒山 #牛潭尾 #荃灣 #芙蓉山 #錦鯉養殖業

#閒置中 #本土研究社 #本研Podcast #LiberPodcast

史上最冗長的《施政報告》，相信大家都沒有心力聽畢。不要緊，研究員已幫大家消化完，來跟大家報導一番，逐個部分點評！由劏房、撤辣、土地供應，再到大型基建融資、人才吸引政策，來看看究竟新一份《施政報告》，有沒有真的「布施」弱勢社群、本地市民，抑或只是使部分外來「人才」受惠。來到第170集「閒置中」，就讓研究員和你拆解《施政》！

研究完：劍、Brian、Sunny

延伸閱讀：

【美麗新劏房?】劏房問題　想解決還是永續?

⁠https://bit.ly/46Lt30v⁠

【明日大嶼將遭投閒置散？】

https://bit.ly/4737OHP

【過橋抽板？】疑似消失了的北都濕地保育公園

https://bit.ly/3FC10os

#施政報告 #李家超 #國安 #土地 #房屋 #規劃 #人才 #撤辣 #劏房

#基建 #融資 #明日大嶼 #北部都會區 #三鐵三路 #弱勢社群

#土地供應 #辦公室 #政策研究 #房屋研究 #土地研究

#閒置中 #本土研究社 #香港 #本研Podcast #LiberPodcast

今集整個數據城市讀書組前瞻，同大家淺談下有關數碼都市點樣影響緊我地嘅生活，其實數據城市除咗「智慧燈柱」、「智慧監獄」及「健康碼」嘅監控問題外，數碼同我地身處城市嘅關係又係點？呢啲問題都希望之後透過讀書組同大家深入討論下。

今年施政報告終於出爐，全城都討論緊的士司機點用阿拉伯語講唔過海。喺咁多政策修辭之下，施政報告仲有咩重點值得關注？為劏房正名嘅簡樸房到底有幾唔簡單？研究員用人話同你深入淺出，睇睇今次施政報告最大贏家喺邊個，拆解報告對城市發展有咩影響！

研究員：Cody、劍、Brian

又新界北又祖堂地又濕地緩衝區又綠化地，2021年施政報告前，土地發展多咗好多新嘅風聲。明日大嶼都係1,700公頃，宜家吹到可發展用地有8,000多公頃。啲地係邊度嚟？所謂突破舊思維嘅「綜合發展規劃概念」綜合咗啲咩？漏咗啲咩？明日大嶼隨時變後日大嶼？取而代之嘅會係咩？現時嘅新界亂象會持續到幾時？今日研究員同綠色和平嘅朋友，由兩三層樓高嘅垃圾山同川龍嘅劏車場，到港版「肺病村」，傾下施政報告「土地瘋聲」會點廷續香港土地亂象。

研究完：劍、正、銓
綠色和平特別嘉賓: 淳

早前有人放風話特首可以經協商產生，前特首梁振英仲援引歷史文件(?)嘅中英聯合聲明。今次研究員就同你追溯呢條「協商特首」條文嘅歷史原意，睇下點解香港代議體制上會出現呢個「漏洞」？當時中英係點傾出嚟？如果特首可以「傾出嚟」，會有咩影響？

研究完：劍、涼

丁權今日終審判丁權「贏」，但讀過34頁判詞，新界鄉紳係咪真正羸家? 今集有專研丁屋政策3位研究員，同你深入導讀今次判決主要新觀點新定義，同埋法官既「得意諗法」，可以為未來丁屋政策帶來乜令人意想不到既影響。

研究員：Brian、涼、劍

身兼有線同遠東發展主席嘅邱達昌7月曾言「如果英國嚟嗰300萬個BNO，你就賣到手軟！」呢邊廂有線選擇性裁員，打壓新聞自由，加速移民潮；嗰邊廂，遠東喺英國同揸住大把樓盤等緊你買。人血饅頭食法真係層出不窮。到底邱達昌手上有幾多英國樓盤，令香港打壓越勁，佢就越多商機？仲有邊個有線股東喺英國有樓？中港地產商喺英國樓市嘅情況係點？

上回講過政府膠官「玩郊」癖好陰魂不散，我哋嘅郊野面對威脅其實點止發展威脅？每日成千上萬膠樽發泡膠等等嘅海洋垃圾湧上沙灘同石灘，每次打完風之後更加慘不忍睹，污染海岸線、毒害海洋生物。

但我哋嘅政府對「執膠」就唔多積極，令熱愛香港環境嘅市民忙於淨灘，不禁令人問政府啲膠官究竟搞緊乜膠野。今集我哋請到特別嘉賓、本研社義工Kristy 同我哋分享佢對於香港海洋垃圾嘅研究。究竟政府對於海洋垃圾嘅源頭、去向等數量有冇掌握？海洋垃圾問題嘅源頭－都市固體廢物政策、生產者責任制進展又如何？

特別嘉賓：Kristy
研究完：劍、涼、Brian、Caesar

近日有行會成員提出用高爾夫球場、撤樓市「辣招」來為香港「搶」人才，引來一論人才去留的爭議。今集研究員同你睇下究竟人才係咪要「搶」番嚟？面對移民潮、出生率下降，香港現時嘅「人才政策」又是什麼狀態？簡單回顧外地吸引人才的政策，究竟香港點解慢慢人去留空？

研究員：青、涼、王

近日房委會推出「幸福設計」指引，作為日後興建同翻新公屋嘅參考同設計依據，仲搵咗幾個屋邨嚟做試點。究竟呢啲幸福指引又會為公屋居民帶嚟幾多幸福感？今日閒置中，首先會同大家講下呢個指引係啲乜，再暢談研究員點睇住屋上咩叫幸福，之後同大家分享實地考察究竟見到啲乜，最後拆解一下究竟呢份指引嘅設計，背後仲意味住啲咩！

研究員：Brian、Sunny、Emily

獨立屋霸地開墾花園問題，原來不止於紅山半島！研究員今次唔等地政處慢慢調查，自行用2日時間掃晒全港八大獨立屋聚集區域，發現至少173間涉嫌霸佔官地起後花園、泳池甚至碼頭。以往霸官地牽涉公平問題，但政府有意無意縱容，但在氣候變化下，山泥傾瀉風險增加，在斜坡僭建花園，已變得不安全。研究員今集同大家分析，呢個「回力標」點樣打中霸地多年嘅富豪聚居地。

研究完：劍、Brian、Sunny

延伸閱讀：

【重榜調查】唔等地政已「全面調查」全港獨立屋違規霸官地　至少173間多圖任睇

https://bit.ly/48hq29j

為何塌泥紅山半島疑似霸官地可歷時上13年？

https://bit.ly/489ibdV

#霸佔官地 #拆擋土牆 #掘地牢 #僭建 #紅山半島 #豪宅 #獨立屋 #地政總署 #屋宇署

#壽臣山 #大埔 #大嶼山 #屯門 #青山公路 #山頂 #大潭 #玫瑰園 #清水灣 #飛鵝花園 #西貢 #海景山莊 #深水灣 

#山泥傾瀉 #發展局 #半獨立屋  #富豪 #官地 #佔用 #違規 #規劃研究 #土地研究

#閒置中 #本土研究社 #香港 #本研Podcast #LiberPodcast

政府連續三年千億財赤，究竟意味着啲乜？有人話係結構性問題，但政府仍然堅持話只係周期性，捱多一排，過多幾年就會情況逆轉。但政府唔夠錢，最首當其衝嘅似乎係一啲討論緊要削減嘅民生開支。究竟財赤對於普羅大眾有咩影響，今日閑置中研究完就同大家一齊分析一下，睇睇亞洲財赤第一嘅香港，而家處於一個乜野嘅處境？

研究員：劍、Brian、Sunny

最近意外訪港嘅鯨魚不幸罹難，當大家都意識到不當地出海觀鯨，會對鯨魚造成莫大傷害時，喺保育海洋生態上，聲稱唔可行而無做到臨時禁船嘅政府，其實有無嘢可以做得更好？要知道點樣保護鯨豚，我哋就要從佢哋嘅角度出發，了解佢哋平日嘅行蹤，睇下佢哋係咪成日喺香港水域蒲頭，又要明白佢哋喺海上各方面嘅危機。留意我哋今集嘅節目，一齊思考下要做個負責任嘅愛鯨觀鯨者，究竟仲有啲咩要注意？

研究完：劍、Stewart、Cody

特別嘉賓：希汶 @HKDCS（ #香港海豚保育學會 ）

另見：

【鯨魚之死　歸因人類的貪婪？】

https://liber-research.com/whalesdeath2023/

#鯨魚 #布氏鯨 #鯨豚 #海豚 #保育 #海洋生態 #海洋研究

#觀鯨 #鯨落 #捕魚 #填海 #快艇 #機動船 #人禂

#臨時保護區 #海洋保護區 #海岸保護區 #海岸公園

#閒置中 #本土研究社 #香港海豚保育學會 #香港 #本研Podcast #LiberPodcast

今年聖誕你會諗起D咩？除咗大餐同聖誕樹或Lonely Christmas ☃️，今年平安夜有人喺戰火中無法平安，有人開暖爐，有人冷冰冰無家可歸，IKEA特價聖誕樹事件到買聖誕禮物🎁嘅源起，物價升冇火雞，到借聖誕假做「突襲」，呢啲原來都有研究可談！

研究員：涼、劍

嘉賓：康（本研義工）

#聖誕節 #節日消費 #俄烏戰爭 #聖誕研究

#聖誕 #聖誕樹 #聖誕禮物 #聖誕假 #聖誕大餐

#物價上漲 #平安夜 #能源危機

#閒置中 #本土研究社 #本研Podcast #LiberPodcast

工廈租金今年2月創歷年新高，作為香港僅餘平租的生存空間都逐漸消失。今集研究員同你傾下，平時大家出出入入的工廈空間，除了見到各種無奇不有的小店，其實對於城市經濟有幾重要？近十年工廈又面對緊什麼樣的演變以及挑戰，活化、改裝、重建、再工業化等等又係唔係工廈未來出路？

研究完：夏、陳、黃

#工業 #工廈 #工廠 #再工業化 #活化工廈

近期賣地頻頻流標，雖然陳茂波曾稱「不會賤賣土地」，最新旺角洗衣街一幅大型商業地亦由新地以47億、每呎樓面地價3100元的超低價投得，似乎「隨行就市」才是新常態。究竟這個新常態背後反映緊什麼財政影響？

有人質疑麵粉價（地價）低會令麵包價（樓價）平、又有聲音指財赤下低價賣地總比流標好。今集研究員同你一齊破除這些「低地價」迷思，從連番流標及賤賣土地探究現時賣地機制的不透明、政府在賣地收益上與發展商的依存關係、土地規劃及供應如何受影響，以及過份依賴不穩定甚至不明朗的賣地收入作公共財政主要收入來源背後，如何支撐未來千億基建開支的隱藏問題。

研究員：劍鴻粉

#流標 #賣地 #樓市 #公共財政 #土地規劃 #財政赤字

#賣地收入 #賣地收益 #香港政府 #賤賣土地 #旺角 #洗衣街 #發展商 

#赤字 #香港財政 #政策研究 #土地研究 #HKFinance

#閒置中 #本土研究社 #香港 #本研Podcast #LiberPodcast #HK #2023年

疫情與運動，再度刺激了城市另類交通模式的想像及可能性。一旦鐵路隧道不通，單車可扮演什麼城市功能？「山多平地少」是否香港單車死症？有何民間研究可推動友善單車政策？近年多了不少交通關注團體落力推廣，今次找來嘉賓分享過往研究小貢獻。

大坑西邨重建到今日進入白熱化階段，係近年少數居民爭取基本居住權嘅事件。香港咁多大大小小重建，大坑西邨除咗經常被形容為「平民豪宅」，有乜咁獨特值得關注？今集搵嚟持續關注社區嘅學者、前線工作者以及街坊代表一齊嚟傾下大坑西邨公屋重建嘅過去、現在同未來。

研究未完：劍、Elise

嘉賓：歐陽潔珍、郭偉誠@大坑西邨居民權益關注組主席、義務幹事、梁志遠博士（阿虫）@理大應用社會科學系專任導師

延伸閱讀：【見步行步】大坑西邨實地考察

https://www.instagram.com/p/CwU7nyWNWBF

【考察後記】大坑西邨爭議白熱化

https://bit.ly/3Sv75cg

【首置地簡史】首置樓唔使再靠發展商？

https://liber-research.com/first_time_buyers

#大坑西邨 #大坑西新邨 #市建局 #平民屋宇有限公司 #重建計劃 #安置政策 #居住權益 #公共房屋 #房屋研究

#閒置中 #本土研究社 #香港 #本研Podcast #LiberPodcast

蕉徑農業園第一期逐漸落成，第二期開始收地。這個聲稱安置受發展影響農民的農業園，竟然係將農民、農舍、土釀、水文生態連根拔起的偽選項？80公頃成4個維園咁大嘅農業園，有幾多農民，幾多塊田無得留低？而跟進農業園嘅負責官員竟然唔知？今集研究員請嚟蕉徑嘅朋友日青，在政策及規劃層面之外，分享村民農民同政府官員同工程商嘅第一身接觸、回遷第一期嘅農民生活形態如何被徹底扭曲。新界農鄉生活似乎勢將被大規模發展，及工程官僚主導嘅「新農業政策」逐漸抹走。我們應該怎樣理解這些「農業完」問題並嘗試想像未來路向？

研究員：劍、正

特別嘉賓：日青

#農業園 #蕉徑 #本地菜 #香港農業

#農業完  #農業發展 #新農業政策 #農業現代化

#農民安置 #農民生活 #要菜不要大路
#土地規劃 #土地研究 #香港經濟

#古洞南 #粉錦公路 #高新科技農業園

#farming #hkfarming #hkfarmers

#閒置中 #本土研究社 #本研Podcast #LiberPodcast

自從陳茂波2013年話郊野公園並非神聖不可侵犯，政府及其打手學者正式啟動發展郊野公園嘅輿論戰。政府「玩郊」癖好陰魂不散，單計2020年至今已經講過至少15次發展郊野公園。二害取其輕、邊界模糊化、專業主義撻術語等政府套路，喺其他政策都見到，大家都熟悉不過。

今集研究員就同大家一齊睇下，政府點打呢場輿論戰？點樣透過研究一嘢篤爆佢？郊野公園對香港人嘅身份有咩意義？其他國家點理解郊野公園？流浮山以外都有蠔？旺角邊度見到螢火蟲？

研究完：劍青、涼、Caesar、Kelvin

深水埗正做緊全區重建研究，十幾條街一次過研究點樣大改造，預計將會對市區基層社區帶黎巨大影響，各種平民、小店、文青、不同種族及興趣社群都可能會因而改頭換面。

今集《閒置中》搵到跟進市區重建議題多年既舊區街坊自主促進組Kelvin 同Ken，講下佢地近月做左份有關深水埗重建既民間調查報告，想了解：

- 除左又話重建起多啲豪宅、商場同天橋，其實真正喺深水埗生活既人對重建有乜諗法?

- 對現今深水埗士紳化既城市形態有乜觀察?

- 重建深水埗呢類市區重建議題究竟重有冇人關注?

《閒置中》淺入深出， 一齊深入探討深水埗重建最前線。

研究員：劍

分享嘉賓 Ken、Kelvin (舊區街坊自主促進組)

巴黎奧運熱潮持續，除咗睇開幕、睇運動員表現、睇運動本身之外，仲可以用咩角度睇奧運？

近日研究員一路睇比賽，一路從文獻、新聞、當地組織全方面睇巴黎奧運嘅情況同問題，發掘獎牌背後少人談及嘅城市現象。奧運同城市發展有咩關係？巴黎奧運同以往有咩唔同？今屆奧運對香港又有咩啟示？

閒置中迎來第二百集，就喺今集同大家直擊奧運。

今年1月沙頭角解禁，禁區陸續對公眾開放。沙頭角昔日作為禁區的存在，令到闖入沙頭角的行為本身有種探險的感覺，然而開放中的沙頭角有甚麼吸引之處？對比其他鄉郊旅遊發展，沙頭角又有甚麼分別？除了目前的十大景色、十大文化、十大美食，沙頭角又有沒有潛力去創造其他好玩又反映地方特色的體驗？

研究員早前遊覽沙頭角，一嘗禁區體驗，今集《閒置中》就和大家一探究竟沙頭角的旅遊價值，開拓大家對禁區的想象。

研究未完：劍、Brian、Stewart、Emily

延伸閱讀：

沙頭角大解禁：疑似套丁盈利以億計

https://www.instagram.com/p/Cedr6pJPY8l/

研究手記：寫於大鵬灣風雲變色之前

https://liber-research.com/tripto_mirs_bay/

#禁區開放 #邊境禁區 #沙頭角禁區 #沙頭角開放 #沙頭角個人遊 #保安局 #十大景點 #香港旅遊業 #上粉沙打 #新界東北 #北區

#閒置中 #本土研究社 #香港 #本研Podcast #LiberPodcast

疫情同移民潮夾擊下經濟蕭條，又派錢又打針，大家都估緊庫房幾時都清零，不過啱啱財政預算案，竟驚見今個財年原預計嘅赤字1000億，變成盈餘近200億。邊度冇啦啦變咁多錢出嚟？睇真啲，原來本業係會計師嘅財爺施展咗四大「財技」，令實際蝕錢變賬面賺錢。今集閒置中嘅研究員同大家細閱魔鬼細節：其實咁造數法，只不過係 "you will pay later"。

研究員：鴻、涼、凱

過去有唔少商場被收購，將入面嘅舖位劏細出售，操刀者賺到盤滿缽滿，但近年呢啲劏場水靜鵝飛，啲舖位經歷大幅貶值，究竟呢啲舖場依家係咩狀況，呢啲空間分割經濟學，又係因為咩原因曾經咁盛行，喺佢作為唔少炒賣投資者過往生財嘅工具之外，社會其實有無付出到一啲額外成本，去幫佢哋埋單呢？今集閒置中就同大家一齊分享一下唔同有關劏場嘅觀察。

研究員：劍、Sunny、Emily

林鄭北上完，就番嚟話今次「打餐大」撐明日大嶼，加上近排不斷見有人衝出嚟「吹奏」填島。今集就同你傾下最新「嶼」情，呢班究竟係咩人呢？佢地有組織有預謀咁做有咩目的？而家明日大嶼嘅最新戰況究竟係點？

1444項歷史建築自2009年經歷咗13個年頭竟然都仲有8項遲遲未評級，研究員將同大家一齊剖析吓8項古蹟嘅慘狀，發現問題嘅心路歷程，同埋點解古蹟們等到頸都長晒，生晒草、拆爛晒，甚至重建埋都仲未評級。另外，都會講下業主、政府同古諮會各自嘅角色同立場，點樣令保育一直都唔到位，發展總係大過保育？

研究完：劍、Brian、Stewart

#古蹟保育
#中環街市 #荷李活道60號 #太白臺8至9號 #興漢道19號 #石澳村405及407號 #井欄樹村43號 #大浪村 #鹹田村

早前美斯齋坐唔落場，重創香港「盛事之都」的形象。政府近年經常提及盛事盛事，究竟所為何事呢？今集有我們三位研究員，首先同大家一起討論究竟邀請美斯來港作賽，在政策層面上有甚麼前因後果，再認真談談究竟節目多多的香港，是否真的能夠挽救香港當下的頹勢，而政府積極宣傳接下來半年的其他盛事，究竟是甚麼普天同慶的活動，是慶祝的「慶」，還是令人扯火的「㷫」呢？多姿多彩、節慶連連的城市想像，又有幾值得我們追求？閒置中，淺入深出地跟大家傾下。

研究未完：劍、Brian、Sunny

延伸閱讀：

【盛極Messi】「盛事之都」是否浪得虛名？

https://bit.ly/3umOSFS

#盛事之都 #盛事經濟 #香港旅遊業 #美斯 #Tatler #國際邁亞密 #打卡點 #香港盛事年表 #國際放射技師學會世界大會 #亞洲殯儀及墓園博覽暨會議 #香港國際毛皮時裝展覽會 #亞洲亞太頸椎醫學會周年會議

#閒置中 #本土研究社 #香港 #本研Podcast #LiberPodcast

知你哋唔想聽《施政報告》，所以研究員「做死士」一朝早就聽足3個幾鐘，然後發現...原來李家超真係唔識㗎！唔止由上任講到依家的KPI原來只係to-do-list，連外訪次數都當係績效指標，更加大玩文字同數字遊戲，用各種聽唔明的語言做包裝。今集研究員精挑細選幾個比較得意，又值得大家關注的重點，一齊拆解呢份《施政報告》。

研究員：涼、卡、鴻、愷

#施政報告 #李家超 #KPI #績效指標
#簡約公屋 #提速提質 #基建發展 #大白象工程 #鐵路規劃 #鐵路建設 #鐵路發展

#閒置中 #本土研究社 #本研Podcast #LiberPodcast

《閒置中》已經不知不覺去到第69集，一直為大家深度探討過唔少城市大小議題。去到今集Podcast，研究員同大家「後設地」喺講番究竟點解要錄Podcast，或者公眾點解又會想聽Podcast？面對公眾接受資訊愈來愈碎片化，媒體轉型似乎成為當時民間時代任務。究竟Podcast作為聲音媒介又可以點發揮？未來又可以點發展？

研究完：劍、涼、史、Brian、蔡

地價樓價跌跌跌，政府有啲招標發展項目，甚至無地產商肯參一腳，政府明言對地價要求已經唔高，只期望唔好係負數就得，原來地價歸零仲有得再跌？今集3位研究員就同大家分析一下，負地價會係咩嘢概念，而地價嘅高低對於香港城市發展嚟講，又有咩意義呢？當土地再唔值錢，政府仲不惜大舉借債，發展北部都會區，究竟前景係咪咁樂觀？閒置中，淺入深出地跟大家傾下。

研究完：劍青、Brian、Sunny

#負地價 #財赤 #北部都會區 #融資成本 #補地價 #地價  #發債 #入不敷支 #赤字 #香港財政 #政策研究 #財政研究 #高地價政策 #  #BudgetPlan #HKFinance

旺角花墟重建將即移除附近部分公園起樓及重建花墟核心地段，消息已令區內居民商戶人心惶惶，亦引來學者及前官員的關注與批評。

有上百年歷史的花墟作為香港城市僅存獨特環境，活生生既城市經濟，聽到呢個消息第一時間既反應係點?

花墟重建剛剛發佈具體規劃方案，又有什麼關鍵細節值得留意?

花墟重建打開左油旺全區重建既第一炮，究竟未來區內會唔會有更多佔用公園及公家地既發展?

剛剛有研究員已跟區內街坊花街巡遊左一轉，今集《閒置中》會淺入深出同大家傾下係咪花墟is over。歡迎在Podcast俾個評價我地啦。

研究員：Emily、劍、Brian

「精簡」發展程序講咗成年，尋日終於公佈咗建議細節，都比我地想像中重手。呢個敵視民意嘅建議點逆世界潮流？市民喺政府土地有無stake，可唔可以申請改劃土地用途？以後只有地主先可以提出改劃申請或反對收地？啱啱上車嘅中產業主都會受影響？唔洗規劃都可以填海？其實呢啲建議仲同「加速」有無關？今集同大家分析下咁重手嘅「精簡」背後嘅動機。

研究完：青、菜、涼

香港經常被視為「福地」，但咁密集嘅城市其實危機四伏，隨時成為災難嘅溫床。適逢號稱香港首部災難片即將上映，題材同新界棕地息息相關，今集《閒置中》有新電影《焚城》編劇Wong Wing 嚟同大家分享棕地／回收場議題點樣啟發咗編劇團隊；Wong Wing 亦會同大家淺談下今時今日喺香港拍一套電影，尤其係災難片，有幾困難同會遇到咩挑戰。

研究完：劍、Brian

嘉賓：《焚城》編劇Wong Wing

房委會2004年將部分屋邨設施拆售予領展，除了令店鋪又貴又單一化以外，原來埋下了另一個影響居民居住質素甚至樓宇安全的「炸彈」？領展等持有屋邨商場、舖位及車位的大業主，竟有權力阻撓公屋重建，成為改善公屋生活環境的絆腳石。公屋重建與否，結構老化竟可能不是決定因素？

到底當初房委會跟領展簽了甚麼協議？近年領展頻頻放售公屋物業予其他財團，在公屋重建一事上可預視甚麼問題？今集研究員同你傾下公屋重建同領展這隻多年被形容為「吸血鬼」的巨頭。

研究完：鴻朗正

#公屋重建 #領展

局方提議興建新嘅「國家成就和發展專館」，令香港兩大博物館—科學館同文化博物館，分別面臨遷出重置，甚至殺館嘅命運。過往博物館畀人長久而穩定嘅印象，今次博物館大洗牌，研究員同你一齊傾下，究竟博物館喺今日香港有咩意義？我哋又需要點樣嘅博物館？

研究未完：劍、Brian、Stewart、Elise

#國家成就和發展專館 #香港科學館 #香港文化博物館 #史上最短命四合院 #英年早逝

#閒置中 #本土研究社 #香港 #本研Podcast #LiberPodcast